ՄԱԿ-ի Պարենի համաշխարհային ծրագրի շրջանակում Գորիսի Յու․ Բախշյանի անվան թիվ 3 հիմնական դպրոցում տեղադրվել են արևային կայաններ, ինչը թույլ կտա լրացուցիչ եկամտի աղբյուր ձեռք բերել և հոգալ դպրոցի հետ կապված այլ ծախսերը:

Ծրագրի շրջանակում դպրոցում տեղադրվել է 49․95 ԿՎտ հզորությամբ արևային ֆոտովոլտային կայան՝ 450 Վտ հզորությամբ մոնոկրիստալ վահանակներ, եռաֆազ ինվերտոր, հենակային համակարգ և մալուխներ, ինչը կարևոր էջ է դպրոցի՝ դեպի մաքուր էներգիա անցում կատարելու ճանապարհին։