Հիմնանորոգվել է Գորիսի Յու. Բախշյանի անվան թիվ 3 հիմնական դպրոցի գրադարանը, որը տարիներ շարունակ գտնվում էր անմխիթար վիճակում:

Փոխվել են գրադարանի պատուհանները, դուռը:

Գրադարանը կահավորվել է նոր գույքով, նաև առաջիկայում նախատեսվում է պատշաճ կահավորել ընթերցասրահը, ինչը կնպաստի աշակերտների այցելությունների ավելացմանը:

Գորիսի Յու. Բախշյանի անվան թիվ 3 հիմնական դպրոցի գրադարանը բացվել է 1966 թվականին: Ի սկզբանե գրադարանի առաքելությունն է եղել ապահովել ուսումնական գործընթացը, տեղեկատվության մատչելիությունը, նպաստել  հետազոտական գործունեության, դասավանդման և կրթության զարգացմանը: 

Գրադարանն ունի 3204 միավոր գիրք, որից՝ 2156-ը՝ գեղարվեստական, 1048-ը՝ գիտամեթոդական (այս թվերի մեջ ներառված չեն դասագրքերը): Այն հագեցած է հայ և արտասահմանյան բարձրարժեք գրականությամբ, հանրագիտարաններով, տեղեկատուներով և այլ անհրաժեշտ ուսումնական և գեղարվեստական գրականությամբ, ինչն ապահովում է թե՛ աշակերտների, և թե՛ ուսուցչական կազմի պատրաստվածությունը:

ՆԱԽՔԱՆ ՎԵՐԱՆՈՐՈԳՈՒՄԸ

ՎԵՐԱՆՈՐՈԳՈՒՄԻՑ ՀԵՏՈ