ՀՀ ԿԳՄՍ նախարարի 2022 թվականի հուլիսի 1-ի №23-Ն հրամանով փոփոխություններ և լրացումներ են կատարվել ՀՀ կրթության և գիտության նախարարի 2010 թվականի հունիսի 22-ի թիվ 609-ն հրամանում, որով սահմանվում են Հայաստանի Հանրապետության հանրակրթական, նախնական մասնագիտական (արհեստագործական) և միջին մասնագիտական, բարձրագույն ուսումնական հաստատությունների շրջանավարտների պետական նմուշի ավարտական փաստաթղթերի պատվիրման, բաշխման, լրացման, հաշվառման և պահպանման կարգերը:

Փոփոխություններով և լրացուներով սահմանվում է.

1) վերնագրից հանել «լրացման,» բառը.
2) նախաբանը շարադրել հետևյալ խմբագրությամբ. «Հիմք ընդունելով «Կրթության մասին» օրենքի 37-րդ հոդվածի 1-ին մասի 12.1 կետը՝»
3) 1-ին կետից հանել «բաշխման, լրացման» բառերը.
4) 1-ին, 2-րդ և 3-րդ կետերում «Հաստատել» բառը փոխարինել «Սահմանել» բառով.
5) hավելված 1-ը շարադրել նոր խմբագրությամբ` համաձայն հավելվածի:

Հրամանն ուժի մեջ է մտել պաշտոնական հրապարակմանը հաջորդող օրվանից:

Հայաստանի Հանրապետության հանրակրթական ուսումնական հաստատությունների շրջանավարտների պետական նմուշի ավարտական փաստաթղթերի պատվիրման, հաշվառման և պահպանման կարգին ծանոթացեք այստեղ: