Գորիսի պետական համալսարանում սեպտեմբերի 30-ից մեկնարկել է «Ուսուցիչների նախաատեստացիոն վերապատրաստման 110-ժամյա դասընթացներ» ծրագրի առաջին փուլը: Պարտադիր ատեստավորման ենթակա ուսուցիչների վերապատրաստման դասընթացին մասնակցում են Գորիսի տարածաշրջանի դպրոցների ուսուցիչները, այդ թվում՝ Գորիսի Յու. Բախշյանի անվան թիվ 3 հիմնական դպրոցի «Հայոց լեզու և գրականություն», «Բնագիտություն», «Քիմիա», «Պատմություն», «Կենսաբանություն» առարկաների ուսուցիչները, ինչպես նաև դասվարները:
Ուսուցիչների վերապատրաստման դասընթացի նպատակն է նպաստել ուսուցիչների հոգեբանամանկավարժական և մեթոդական կարողունակությունների (գիտելիք, կարողություն, հմտություն, մասնագիտական որակներ) զարգացմանը դասավանդման գործընթացում՝ հիմնվելով նոր չափորոշիչների, ծրագրային մոտեցումների, ժամանակակից դասավանդման և ուսումնառության, տեղեկատվական տեխնոլոգիաների վրա: Վերապատրաստման ծրագրում ընդգրկվել է հետազոտական աշխատանքի պահանջը՝ որպես պարտադիր բաղադրիչ: Դասընթացն իրականացվում է փորձառու դասընթացավարների կողմից՝ ինտերակտիվ և նախագծային մեթոդների կիրառմամբ՝ 110 ժամ ծանրաբեռնվածությամբ:
| |
|
| |
| Դիտումներ: 381 | |
| Մեկնաբանություններն ընդամենը՝: 0 | |