Գորիսի Յու. Բախշյանի անվան թիվ 3 հիմնական դպրոցի ուսուցչի օգնականները մասնակցել են Գորիսի մամուլի ակումբի կողմից կազմակերպված «Հաշմանդամություն ունեցող անձանց իրավունքները․ անձի ֆունկցիոնալության գնահատման մասին» թեմայով քննարկմանը, որն իրականացվել է Ֆրիդրիխ Էբերտ Հիմնադրամի աջակցությամբ: Հանդիպման ընթացքում քննարկվել ու ներկայացվել է, թե ինչ ծառայություններից են օգտվում հաշմանդամություն ունեցող անձինք և արդյո՞ք, նրանց հավասար իրավունքները և լիիրավ մասնակցությունն ապահովում է: Խոսվել է նաև խնդիրների մասին, թե ինչպե՞ս է հասարակությունը հաշմանդամություն ունեցողներին ընկալում և ինչու՞ է տարբերակված վերաբերմունք ցուցաբերվում նրանց նկատմամբ: Այս խնդիրները՝ ըստ այդ ոլորտի մասնագետների, պայմանավորված է նրանով, որ հաշմանդամությունը հասարակության սխալ կազմակերպման արդյունքն է և դրա համար կարևոր է հանրային բոլոր ծառայությունները դարձնել մատչելի և ներառական: Քննարկումը վարել է ոլորտի փորձագետ Մուշեղ Հովսեփյանը։
Աղբյուրը: https://mediapoint.am/ | |
|
| |
| Դիտումներ: 262 | |
| Մեկնաբանություններն ընդամենը՝: 0 | |