Հունվարի 24-ին Գորիսի Յու. Բախշյանի անվան թիվ 3 հիմնական դպրոցում էին Գորիսի N զորամասի կապի բաժանմունքի սպա, ավագ լեյտենանտ Նարեկ Մարտիրոսյանը և նույն զորամասի գնդերեց Հարություն սարկավագ Զաքարյանը, ովքեր դպրոց էին եկել շնորհավորելու դպրոցի կոլեկտիվին ու աշակերտներին՝ Հայաստանի զինված ուժերի կազմավորման 31-րդ տարեդարձի կապակցությամբ։

Հյուրերը շփվեցին դպրոցի 9-րդ դասարանների աշակերտների ու ուսուցիչների հետ, ներկայացրին Հայոց բանակի ստեղծման պատմությունը, խոսեցին զինվորական կրթության կարևորության, դրա հնարավորությունների ու առավելությունների մասին:

Աշակերտներն իրենց հարցերն ուղղեցին Գորիսի N զորամասի ներկայացուցիչներին: