Գորիսի Յու. Բախշյանի անվան թիվ 3 հիմնական դպրոցի ուսուցիչներն ու աշակերտները մասնակցեցին պայթունավտանգ զինամթերքի վտանգի իրազեկման դասընթացին

«Ակցիա սովի դեմ հիմնադրամ»-ի հայաստանյան ներկայացուցչության սերտիֆիկացված մասնագետները մարտի 16-17-ը կազմակերպվել են «Պայթունավտանգ զինամթերքի վտանգի իրազեկման դասընթաց» Գորիս և Սիսիան համայնքների վեց ուսումնական հաստատություններից ընտրված դեռահասների համար, որին մասնակցեցին նաև Գորիսի Յու. Բախշյանի անվան թիվ 3 հիմնական դպրոցի 8-րդ դասարանի աշակերտներ Աննա Սարգսյանը, Քրիստինե Աբրահամյանն ու Մանե Մարտիրոսյանը: Աշակերտներին ուղեկցում էին «Ֆրանսերեն» առարկայի ուսուցչուհի Լուսինե Բաղդասարյանն ու «ՆԶՊ» առարկայի ուսուցիչ Արտուր Հովսփյանը:

    

Մասնակիցները ծանոթացել են ՀՀ-ում հանդիպող պայթուցիկ զինամթերքի տեսակներին ու դրանց վտանգներին, դրանց հնարավոր տեղակայման, բնական և ոչ բնական նշանների, անվտանգ վարքագծի մասին, ինչպես նաև տեղեկացվել են, թե ում պետք է դիմել վտանգի ժամանակ։

Դասընթացը կազմակերպվել էր ինտերակտիվ մեթոդով, այն հագեցած էր ոչ ֆորմալ կրթական խաղերով, դերային խաղերով, ինչպես նաև գնահատվել է մասնակիցների նախնական և վերջնական գիտելիքը պայթունավտանգ զինամթերքի վտանգի իրազեկման վերաբերյալ։

Առաջիկա երկու շաբաթների ընթացքում «Պայթունավտանգ զինամթերքի վտանգի իրազեկման» դասընթացներ կիրականացվեն բոլոր վեց կրթական հաստատություններում՝ ընդգրկելով էլ ավելի շատ աշակերտների և ուսանողների։

Դասընթացը անցկացվել է «Գործընկերություն և ուսուցում» ՀԿ-ի երիտասարդական կենտրոնում։

    
 

Կատեգորիա: ՊԱՇՏՈՆԱԿԱՆ | Ավելացրեց: ԽՄԲԱԳԻՐ (17.03.2023)
Դիտումներ: 336 | Վարկանիշ: 0.0/0
Մեկնաբանություններն ընդամենը՝: 0
avatar