ԿԳՄՍ նախարարության կողմից ընդունվել է Գորիսի Յու. Բախշյանի անվան թիվ 3 հիմնական դպրոցի «Աշխարհագրություն» առարկայի ուսուցչուհի Հերմինե Ալավերդյանի հայտը։

Հերմինե Ալավերդյանն ընդգրկվել է «Հանրակրթության պետական չափորոշչի» պահանջներին 2-րդ, 5-րդ, 7-րդ և 10-րդ դասարանների  հանրակրթական առարկաների համար ստեղծվող դասագրքերի համապատասխանությունը գնահատելու նպատակով ձևավորվող առարկայական հանձնաժողովում, մասնավորապես, 2-րդ դասարանի «Ես և շրջակա աշխարհը» առարկայի դասագրքերի համապատասխանությունը գնահատելու հանձնաժողովում։

Հերմինե Ալավերդյանը համատեղության կարգով աշխատում է նաև Գորիսի պետական համալսարանում, որտեղ կարդում է հետևյալ դասընթացները.

• Բակալավրի կրթական ծրագիր՝ տեսական մանկավարժություն, «Ես և շրջակա աշխարհը» ինտեգրված դասընթացի դասավանդման մեթոդիկա, տարրական կրթության մանկավարժություն, ներառական կրթություն, սոցիալական մանկավարժություն, մանկավարժության պատմություն
• Մագիստրոսի կրթական ծրագիր՝ մանկավարժական դիագնոստիկա, մանկավարժական հետազոտությունների մեթոդաբանություն, միջառարկայական կապերը բուհական և դպրոցական դասընթացներում, սոցիալ-մանկավարժական գործունեության համակարգումը կրթության ոլորտում, փախստական երեխաների հիմնախնդիրը սոցիալական մանկավարժության մեջ, ժամանակակից հատուկ և ներառական կրթությունը Հայաստանում և արտերկրում: