Փետրվար-մարտի ամիսներին Գորիսի Յու. Բախշյանի անվան թիվ 3 հիմնական դպրոցի հատուկ մանկավարժ Հեղինե Արզումանյանը «Արմավ» շարունակական կրթության կենտրոնում մասնակցել է 30 ժամ տևողությամբ «Այլընտրանքային հաղորդակցման տեխնիկաներ՝ PECS» թեմայով դասընթացին։

PECS-ը նախատեսված է նրանց համար, ովքեր ունեն ֆունկցիոնալ հաղորդակցման խնդիրներ, խոսքը հասկանալի չէ շրջապատի համար, չի նախաձեռնում հաղորդակցում, բառապաշարը չի համապատասխանում տարիքին, նախադասության շարահյուսությունում ունեն խնդիրներ։

Դասընթացի ընթացքում մասնակիցները ծանոթացել են PECS-ին, պատրաստել հաղորդակցման գիրք, կիրառել փուլերն ու քայլերը, կատարել քննարկումներ։