«Ակցիա սովի դեմ» հիմնադրամի հայաստանյան ներկայացուցչության սերտիֆիկացված մասնագետ, «Գործընկերություն և ուսուցում» ՀԿ-ի աշխատակից Սոնա Բաբախանյանը և դպրոցի 8-րդ դասարանի աշակերտներ Աննա Սարգսյանը, Քրիստինե Աբրահամյանն ու Մանե Մարտիրոսյանը մարտի 24-ին Գորիսի Յու. Բախշյանի անվան թիվ 3 հիմնական դպրոցում կազմակերպել էին «Պայթունավտանգ զինամթերքի վտանգի իրազեկման դասընթաց» դպրոցի 8-րդ դասարանների աշակերտների համար:

Դասընթացի մասնակիցները ծանոթացան Հայաստանում հանդիպող պայթուցիկ զինամթերքի տեսակներին ու դրանց վտանգներին, դրանց հնարավոր տեղակայման, բնական և ոչ բնական նշաններին, անվտանգ վարքագծին, ինչպես նաև ստացան տեղեկատվություն, թե ում պետք է դիմել վտանգի ժամանակ։

Դասընթացը կազմակերպվել էր ինտերակտիվ մեթոդով, այն հագեցած էր ոչ ֆորմալ կրթական խաղերով, դերային խաղերով, ինչպես նաև գնահատվել էին մասնակիցների նախնական և վերջնական գիտելիքը պայթունավտանգ զինամթերքի վտանգի իրազեկման վերաբերյալ։