Ժամանակակից դպրոցի զարգացման արդի փուլում մանկավարժական գիտության հրատապ խնդիրն է որոնել առարկաների ուսուցման առավել արդյունավետ, օգտակար ուղիներ: Այսօր արտադասարանական խմբակների ուսուցման լիարժեքությունը պետք է մեծ նախադրյալներ ստեղծեն առարկաների ուսուցման գործընթացի բարելավման գործում:

Արտադասարանական խմբակների հիմնական գործառույթներն են.

• արտադասարանական խմբակներում ապահովել միջառարկայական և ներառարակայակն կապերը:
• հարստացնել աշակերտների տեսական գիտելիքները
• զարգացնել հաշվողական կարողությունները և ունակությունները
• զարգացնել աշակերտների գիտական, տրամաբանական մտածողությունը, դատողություններ, վերլուծություններ, որոշումներ կայացնելու կատարելու կարողությունները 
• փորձ, դիտումներ կատարելու ժամանակ ինքնուրույն որոնողական գործունեության ձևավորում և ստեղծագործական ընդունակությունների զարգացում
• նոր տեխնոլոգիաների կիրառում
• հետազոտական աշխատանքների գնահատում:

Արտադասարանական խմբակները հանդիսանում են այնպիսի օղակներ, որտեղ և զարգանում են աշակերտների հետազոտական ունակությունները: Հետազոտությունը մի գործողություն է, որն ընդգրկում է մանրամասն քննություն, համակարգված ուսումնասիրություն և գիտական վերլուծություն: Արտադասարանական աշխատանքներն անց են կացվում մասսայական, անհատական, խմբային եղանակներով: Խմբակները կազմակերպվում են դասերից հետո և նպաստում են երեխաների մշակութային, գեղարվեստական զարգացմանը:

Գորիսի Յու. Բախշյանի անվան թիվ 3 հիմնական դպրոցում 2021-2022 ուսումնական տարում գործում է 20 արտադասարանական խմբակ, որոնցում ընդգրկված են 50-ից ավելի աշակերտներ, ովքեր իրենց գիտելիքներն են զարգացնում հայոց լեզվից, անգլերենից, ինֆորմատիկայից, մաթեմատիկայից, ֆիզիկայից, քիմիայից, կերպարվեստից, տեխնոլոգիայից, բնապահպանությունից ու ֆիզկուլտուրայից: Խմակները գործում են հատուկ կազմված ծրագրերին համապատասխան:

Ստորև ներկայացնում ենք դպրոցում գործող արտադասարանական խմբակները.

Խմբակներն իրականացվում են անվճար հիմունքներով: Այն աշակերտները, ովքեր ցանկանում են մասնակցել արտադասարանական խմբակներից որևէ մեկի դասերին, կարող են դիմել ՄԿԱ գծով փոխտնօրեն Աիդա Անտոնյանին: