«Invest in our Planet» շարադրությունների մրցույթի հաղթողների համար կայացավ ուղևորություն՝ դեպի «ՔոնթուրԳլոբալ Հիդրո Կասկադ», որտեղ մասնակիցներն անմիջականորեն ծանոթացան վերականգնողական էներգիայի արտադրության պրոցեսին։

Ավելի վաղ տեղեկացրել էինք, որ ապրիլի 22-ին՝ «Մոլորակի օրը», Հայաստանի ամերիկյան համալսարանի Բաց կրթության Գորիսի կենտրոնում ամփոփվել են հայտարարված «Գործի՛ր ի նպաստ Երկիր մոլորակի» (Invest in our Planet) շարադրությունների մրցույթի արդյունքները: 

Ներկայացված ավելի քան 50 շարադրություններից տարբեր անվանակարգերում հաղթող էր ճանաչվել 7 մասնակից, որոնց թվում են նաև Գորիսի Յու. Բախշյանի անվան թիվ 3 հիմնական դպրոցի 7-րդ «Բ» դասարանի աշակերտուհի Դայանա Բալասանյանը, 8-րդ «Ա» դասարանի աշակերտ Ալեն Առուստամյանը և 9-րդ «Բ» դասարանի աշակերտուհի Անահիտ Բակունցը: