«Լիլի Նարինյան» պարային դպրոցը օգոստոսի 22-29-ը մասնակցել է Բուղարիայի Հանրապետության Վառնա քաղաքում կայացած միջազգային մրցույթ-փառատոնին։

Պարային մրցույթին մասնակցում էին 5 երկրներ՝ տարիքային տարբեր խմբերով։ 10-13 տարեկանների խմբում լավագույնս ներկայանալու, պարային բովանդակալից ելույթների և մշակութաստեղծագործ համարների համար «Լիլի Նարինյան» պարային դպրոցի սաներն արժանացել են ամենաբարձր՝ «Grand Prix» մրցանակին։ 

Պարային խմբի 7 անդամներից 5-ը Գորիսի Յու. Բախշյանի անվան թիվ 3 հիմնական դպրոցի աշակերտներ են. 6-րդ «Բ» դասարանի աշակերտուհի Միլենա Հովհաննիսյանը, 8-րդ «Բ» դասարանի աշակերտուհի Նանե Հարությունյանը, 9-րդ «Ա» դասարանի աշակերտուհի Սոֆի Լազարյանը և 9-րդ «Բ» դասարանի աշակերտուհիներ Լիլի Եղյանն ու Էլեն Հայրապետյանը: