Հոկտեմբերի 6-ին Գորիսի Յու. Բախշյանի անվան թիվ 3 հիմնական դպրոցում տեղի ունեցավ քննարկում, որին մասնակցում էին դպրոցի ու Գորիսի տարածքային մանկավարժահոգեբանական աջակցության կենտրոնի մանկավարժները, ինչպես նաև աշակերտների ծնողները: Հանդիպման ընթացքում հստակեցվեցին ԿԱՊԿՈւ աշակերտների հետ կապված աշխատանքները, ԱՈւՊ-ների լրացման նոր պահանջները, պարզեցման եղանակներն ու աշխատանքի ընթացքում առաջացող խնդիրները, որոնց լուծման ուղղությամբ առաջարկվեցին տարբերակներ:
ԳՏՄԱԿ-Ի տնօրեն Հերմինե Շալունցը անդրադարձ կատարեց կրթության առանձնահատուկ պայմանների կարիք ունեցող աշակերտների հետ կապված աշխատանքներին, շեշտեց ուսուցիչների և ուսուցչի օգնականների դերի կարևորությունը և դասապրոցեսի ընթացքում նրանց պարտականությունների ճիշտ բաշխումը: Դպրոցի ուսումնական գծով փոխտնօրեն Սերգեյ Ավանեսյանը շնորհակալություն հայտնեց ԳՏՄԱԿ-ի տնօրինությանն ու մանկավարժներին՝ համագործակցային և հետևողական աշխատանքի համար:
| |
|
| |
| Դիտումներ: 376 | |
| Մեկնաբանություններն ընդամենը՝: 0 | |