Նոյեմբերի 7-9-ը Վանաձոր քաղաքում կայացավ  ՀՀ Ազգային ժողովի գավաթի խաղարկության մրցումների եզրափակիչ՝ հանրապետական փուլը, որին մասնակցում էին ՀՀ 10 մարզերի և Երևանի դպրոցների 4-6-րդ դասարանների աշակերտները:

Մրցումների ծրագրում ընդգրկված էին հետևյալ մրցաձևերը՝

• վազք 60մ բարձր մեկնարկից
• վազք 500մ
• թենիսի գնդակի նետում
• հեռացատկ թափավազքից
• ձգումներ կախ դրությունից՝ տղաներ
• ձեռքերի ծալում և ուղղում պառկած հենված դրությունից՝ մարզանստարանին (աղջիկներ)։

Սյունիքի մարզը ներկայացնում էին մարզային փուլում հաղթող ճանաչված Կապանի թիվ 5 հիմնական դպրոցի 5-րդ և 6-րդ դասարանների աշակերտները և Գորիսի Յուրի Բախշյանի անվան թիվ 3 հիմնական դպրոցի 4-րդ դասարանի աշակերտները, մարզիչ՝ Աննա Աբգարյան։ 

Սյունիքի մարզը թիմային հաշվարկով գրավեց 2-րդ  պատվավոր տեղը՝ արժանանալով գավաթի,  մեդալների, պատվոգրերի, նվերների: 

Դպրոցներին տրամադրվեցին գնդակներ։

ՀՀ Ազգային ժողովի գավաթի խաղարկության նպատակներն են՝ մատաղ սերնդի շրջանում խթանել ֆիզկուլտուրայի և սպորտի զարգացումը՝ ի նպաստ նրա համակողմանի, ներդար դաստիարակության, դպրոցականների կենցաղում առողջ ապրելակերպի արմատավորումը, հայրենիքի պաշտպանությանը պատրաստ երիտասարդության։