Երկու օր շարունակ «Գորիսի մամուլի ակումբ» ՀԿ-ում հավաքվել էին տարբեր կառույցներից մասնագետներ, ովքեր հետաքրքված էին բարձրացնել հանրային հաղորդակցության վերաբերյալ գիտելիքներ։ Մասնակիցների թվում էր նաև Գորիսի Յու. Բախշյանի անվան թիվ 3 հիմնական դպրոցի «Ինֆորմատիկա/ԹԳՀԳ» առարկայի ուսուցչուհի Օլյա Ղուլյանը:

Փետրվարի 20-21-ին «Հանրային հաղորդակցության եռափուլ դասընթաց»-ի մասնակիցները տեսական գիտելիքների և գործնական աշխատանքների միջոցով ուսումնասիրեցին հանրության հետ հաղորդակցվելու հիմնական եղանակներին։

Դասընթացավարը մեդիա փորձագետ Սուրեն Դեհերյանն է։ Նա մասնակիցներին ներկայացրեց ապատեղեկատվության և կեղծ լուրերի դեմ արագ արձագանքելու հնարքներ, լրատվության ամենօրյա մոնիթորինգի անցկացման և ճգնաժամային իրավիճակներում տեղեկատվության կառավարման մեթոդներ։

Մասնակիցները ծանոթացան նաև «Canva», «Tilda» և վիզուալ նյութեր պատրաստելու համար նախատեսված այլ առցանց գործիքների հետ։

Եռափուլ դասընթացը նախատեսված է Գորիս խոշորացված համայնքի պետական և տեղական ինքնակառավարման կառույցների, կրթական հաստատությունների և հասարակական կազմակերպությունների հանրային կապերի մասնագետների համար՝ բարձրացնելու մասնակիցների մասնագիտական կարողությունները համայնքի բնակչության հետ հաղորդակցման գործում։

Դասընթացը հիմնված էր հիմնականում գործնական աշխատանքների և ինտերակտիվ քննարկումների վրա։ Բոլոր մասնակիցները ցուցաբերեցին ակտիվություն և մեծ հետաքրքրություն։