Մարտի 11-ից 15-ը Գորիսի Յուրի Բախշյանի անվան թիվ 3 հիմնական դպրոցի «Ֆիզկուլտուրա» առարկայի ուսուցչուհի Աննա Աբգարյանը, Վայոց ձորի մարզի Վայք քաղաքում մասնակցել է «Հայաստանի աղջիկների առաջնորդությունը սպորտում» կրթական հիմնադրամի՝ «GOALS»-ի կողմից կազմակերպված «Խաղալ` նպատակով» մարզիչների վերապատրաստման դասընթացին: 

Դասընթացի շրջանակում «GOALS»-ի մարզիչներին միավորելու և հզորացնելու համար ուսուցանում էին նպատակային խաղ, ուշադրություն և գենդերային հավասարություն։ Նպատակային խաղի գաղափարը այն էր, որ յուրաքանչյուր խաղ դուրս գա զվարճության սահմաններից` արմատավորելով կյանքի համար կարևոր հմտություններ։ Ու նման մոտեցմամբ նպատակային խաղերը դառնում են միջոց` ինքնուսուցման և սոցիալական տարբեր խնդիրների լուծման համար։