Ապրիլի 19-ին Գորիսի Յու. Բախշյանի անվան թիվ 3 հիմնական դպրոցի 5-րդ «Գ» դասարանի աշակերտները՝ «Մայրենի» առարկայի ուսուցչուհի Շահանե Հովսեփյանի ուղեկցությամբ, այցելեցին Զանգեզուրի կոլորիտով վարպետի՝ Սերո Խանզադյանի տուն-թանգարան, որտեղ լսելի էր խանզադյանական խոսքը:

Օրը բավականին հագեցած էր: Աշակերտները շրջայց կատարեցին թանգարանի ցուցասրահում և տոհմատանը, որտեղ թանգարանի գիտաշխատողը նրանց հանգամանորեն ներկայացրեց գրողի կյանքն ու գործունեությունը:

Աշակերտները ոգևորությամբ և տպավորություններով լի հեռացան թանգարանից:

Հավելենք, որ էքսկուրսիա-դասը նախատեսված է 5-րդ դասարանի «Մայրենի» առարկայի թեմատիկ պլանով: