Գորիսի Յու. Բախշյանի անվան թիվ 3 հիմնական դպրոցի փոխտնօրեններ Սերգեյ Ավանեսյանն ու Արմիդա Գևորգյանը շարունակում են իրականացնել դիտարկումներ և դասալսումներ դպրոցում իրականացվող արտադասարանական խմբակների դասաժամերի ընթացքում: Ապրիլի 30-ին հերթական դիտարկումն է իրականացվել «Մանկական գրականություն» խմբակի ընթացքում, որի խմբավարն է Անուշ Էլյազյանը: Խմբակի նպատակն է աշակերտների մոտ ձևավորել հետաքրքրություն ինչպես հայ, այնպես էլ աշխարհի մանկագիրների գրական ստեղծագործությունների վերաբերյալ։ «Մանկական գրականություն» խմբակը հնարավորություն է տալիս հնարավորինս խորությամբ ճանաչել ոչ միայն հայ, այլև աշխարհի մանկագիրներին և նրանց ստեղծագործություններին։ Խմբակում ընդգրկված աշակերտները սովորում են սահուն և վարժ կարդալ, պատմել, հայեցի, ճիշտ, արտահայտիչ արտասանել, ինչպես նաև ծանոթանալ հայ ժողովրդական բանահյուսության նմուշներին։ «Մանկական գրականություն» խմբակի հիմնական նպատակը սովորողների գեղագիտական ճաշակի, քննադատական մտածելակերպի զարգացմանը, առողջ արժեհամակարգի ձևավորմանը նպաստելն է։
| |
|
| |
| Դիտումներ: 259 | |
| Մեկնաբանություններն ընդամենը՝: 0 | |