Սեպտեմբերի 27-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ «Շտապ օգնություն, գործողություններ և խնամք» թեմայով վերապատրաստման դասընթաց, որին մասնակցեցին դպրոցի աշխատակիցները:

Վերապատրաստումն իրականացրեց «Սանտե Արմենի» (Santé Arménie) Ֆրանս-հայկական առողջապահական հիմնադրամի Սյունիքի մարզի համակարգող և շտապ օգնության թիմի հրահանգիչ Հակոբ Խաչյանը։

Դասընթացավարը ներկայացրեց տարբեր իրավիճակներում մարդկանց առաջին օգնություն ցուցաբերելու կանոնները, որոնք էլ հետագայում կիրառվեցին գործնական վարժություններում։ 

Վերապատրաստման ընթացքում կիրառվեցին հատուկ սարքավորումներ, մանեկեններ: 

Դասընթացի ավարտին մասնակիցներին տրվեցին վկայականներ:

Վերապատրաստումն իրականացվել է Գորիսի Յուրի Բախշյանի անվան թիվ 3 հիմնական դպրոցի, «Գորիսի մամուլի ակումբ» ՀԿ-ի և «Սանտե Արմենի» (Santé Arménie) ֆրանս-հայկական առողջապահական հիմնադրամի համագործակցությամբ: