Հոկտեմբերի 30-ին Գորիսի Յուրի Բախշյանի անվան թիվ 3 հիմնական դպրոցի տնօրենի պաշտոնակատար Սերգեյ Ավանեսյանը, ՄԿԱ գծով համակարգող Արմիդա Գևորգյանն ու ԴԱԿ Արաքսյա Առստամյանը 8-9-րդ դասարանների աշակերտներին բաժանեցին «Գորիսի ավտոսիրողների ակումբ» ՀԿ-ի կողմից պատրաստված ճանապարհային նշաններին վերաբերող բուկլետներ և աշակերտները հնարավորություն ունեցան ավելի տեսանելի ու մանրամասն ծանոթանալու ճանապարհային նշաններին։ Աշակերտների անվտանգ երթևեկությունն ապահովելու և վտանգավոր իրավիճակներից խուսափելու համար Սերգեյ Ավանեսյանն նրանց ներկայացրեց նախազգուշացնող, առավելության, արգելող, թելադրող, հատուկ թելադրանքի, տեղեկատվության, սպասարկման, լրացուցիչ տեղեկատվության նշանները, խոսեց Գորիս քաղաքում ճանապարհների կահավորման մասին։ Աշակերտները հարց ու պատասխանի միջոցով քննարկեցին Գորիս քաղաքի տարբեր հատվածներում տեղադրված ճանապարհային նշանները, ներկայացրին իրենց դիտարկումները։
| |
|
| |
| Դիտումներ: 275 | |
| Մեկնաբանություններն ընդամենը՝: 0 | |