Նոյեմբերի 29-ին Գորիսի Յու. Բախշյանի անվան թիվ 3 հիմնական դպրոցի 4-րդ «Բ» և 4-րդ «Գ» դասարանների աշակերտները, դասվարներ Արուս Դոլունցի, Ռիտա Շալունցի և ծնողների ուղեկցությամբ այցելեցին Ակսել Բակունցի անվան տուն-թանգարան:

Աշակերտները երգելով, աշնանային վերջին շունչը վայելելով, քայլերթով հասան թանգարան:

Թանգարանի բացօթյա տաղավարում արտասանեցին, հիացան այգու գեղեցկությամբ, փայտե մարդուկներով և կենդանիներով:

Թանգարանում ծանոթացան 20-րդ դարի խոշորագույն հայ արձակագիր Ակսել Բակունցի ապրած կյանքի, թանգարանի պատմության և հնագիտական ցուցանմուշների հետ: Աշակերտներին շատ զարմացրեց Ակսել Բակունցի շախմատը, գրենական պիտույքները և 150 ստորագրությունները, որոնց շնորհիվ Բակունցն անվճար սովորել է Գևորգյան ճեմարանում:

Նույն ուրախ տրամադրությամբ և ոգևորությամբ աշակերտները վերադարձան տուն: