Գորիսի Յու. Բախշյանի անվան թիվ 3 հիմնական դպրոցում տեղի ունեցավ գրական փոքրիկ ցերեկույթ՝ նվիրված մեծանուն բանաստեղծ Վահան Տերյանին

Այսօր հայ գրականության հանճարեղ բանաստեղծներից մեկի՝ Վահան Տերյանի ծննդյան օրն է: Տերյանը ոչ միայն նշանավոր բանաստեղծ, քնարերգու է, այլ նաև հասարակական-քաղաքական գործիչ:

Նշանավոր են նրա բանաստեղծական շարքերը, հոդվածները, թարգմանությունները:

Այսօր Գորիսի Յու. Բախշյանի անվան թիվ 3 հիմնական դպրոցում՝ 9-րդ «Բ» դասարանում, հայոց լեզվի և գրականության ուսուցչուհի Լուսինե Ասլանյանի նախաձեռնությամբ տեղի ունեցավ գրական փոքրիկ ցերեկույթ՝ նվիրված մեծանուն բանաստեղծին:

  

Աշակերտները ներկայացրին գրողի կենսագրությունը, խոսեցին ստեղծագործությունների առանձնահատկությունների մասին, հիշեցին հետաքրքիր փաստեր՝ գրողի կյանքից, ինչպե՞ս են մեր մեծերը գնահատել Տերյանին:

Ցերեկույթն ամփոփվեց գրողի մասին պատմող կենսագրական ֆիլմի ցուցադրությամբ:

Շնորհավո՛ր  հանճարեղ ծնունդդ, սիրո՛ բանաստեղծ:

Նուրբ, մեղմ, բայց միևնույն ժամանակ էլ խրոխտ ու հզոր, միայն իրեն բնորոշ լուսավոր թախիծով պարուրված բանաստեղծություն-գոհարները դեռ որքան սերունդների անբաժան ընկերներն են դառնալու թե’ տխուր, թե’ ուրախ պահերին, դեռ որքան սիրահարներ են տերյանական խոստովանություններ անելու, դեռ որքա՜ն աշուններ են գեղեցկանալու և իմաստավորվելու տերյանական գրչով:

  

  

  

  
 

Կատեգորիա: ԴԱՍԱՊՐՈՑԵՍ | Ավելացրեց: ԽՄԲԱԳԻՐ (09.02.2022)
Դիտումներ: 387 | Վարկանիշ: 1.0/1
Մեկնաբանություններն ընդամենը՝: 0
avatar