Գորիսի Յու. Բախշյանի անվան թիվ 3 հիմնական դպրոցի աշակերտուհիները «Տեխնոլոգիա» առարկայի դասերի ընթացքում ուսումնասիրում են գորգագործության և կարպետագործության հիմունքներ: «Տեխնոլոգիա» առարկայի ուսուցչուհի Մարետա Քարամյանն աշակերտուհիներին ներկայացնում է զարդակիրառական արվեստի և գորգագործության զարգացման պատմությունը, գորգագործական ու կարպետագործական հորինքվածքի սկզբունքները և տեխնիկական նկարը, սարքավորումները, գործիքները, նյութերը, գորգի, կարպետի հենքի պատրաստումը, ասպումը:
Աշակերտուհիներն իրենց գործնական աշխատանքներն իրականացնում են տորքի (գորգագործական հաստոցի) վրա, կտուտի միջոցով շտկում են անհավասարությունները և ավարտում աշխատանքը: «Տեխնոլոգիա» առարկայի ուսումնասիրման ընթացքում ստացած գիտելիքներն աշակերտուհիներին հնարավորություն են տալիս կարդալ գորգի, կարպետի տեխնիկական նկարը, ընտրել համապատասխան թելերը, գորգագործական հաստոցի (տորքի) վրա տեղադրել տեխնիկական նկարի համապատասխան չափսերը, իրականացնել տեխնոլոգիական գործընթացը:
| |
|
| |
| Դիտումներ: 636 | |
| Մեկնաբանություններն ընդամենը՝: 0 | |