«Եռանկյուններ, եռանկյունների հավասարության հայտանիշները» թեմայով բաց դաս՝ Գորիսի Յու. Բախշյանի անվան թիվ 3 հիմնական դպրոց 7-րդ «Բ» դասարանում

Նոյեմբերի 29-ին Գորիսի Յու. Բախշյանի անվան թիվ 3 հիմնական դպրոցում տեղի ունեցավ «Եռանկյուններ, եռանկյունների հավասարության հայտանիշները» թեմայով բաց դաս՝ 7-րդ «Բ» դասարանում:

«Երկրաչափություն» առարկայի ուսուցչուհի Սիրուշ Բաղդասարյանը դասարանը բաժանել էր 5 խմբի և այդ խմբերից յուրաքանչյուրին տրվել էին անուններ. Շեղանկյուն, Քառակուսի, Սեղան, Զուգահեռագիծ, Ուղղանկյուն (քառանկյան տեսակներ)։

  

Ուսուցչի կողմից խմբերից յուրաքանչյուրին հանձնարարվել էր ներմուծել եռանկյան տարրերի, միջնագծերի, կիսորդների, բարձրությունների և ուղղահայացի հասկացությունները, եռանկյունների հավասարության 3 հայտանիշները։ Խմբերն այդ աշխատանքները ներկայացրին պաստառի և գրատախտակի վրա, օգտագործելով գունավոր կավիճներ, իսկ եռանկյան կոշտությունը ներկայացվեց ինքնաշեն փայտիկներով։ 

Խմբերը նաև պատասխանեցին բլից հարցերի, ինչպես նաև ուսուցչուհու կողմից կիրառվեց «Շարունակիր միտքը» հնարը, ներկայացվեց իրավիճակներ՝ առօրյա կյանքից և ստեղծվեց միջառարկայական կապ «Քիմիա» առարկայի հետ։

Դասի ավարտին աշակերտները խնդիրներ լուծեցին:

Բաց դասին ներկա էին ուսումնական գծով փոխտնօրեն Սերգեյ Ավանեսյանը, Բնագիտամաթեմատիկական առարկաների մեթոդմիավորման նախագահ Անուշ Դաջունցը, «Մաթեմատիկա» առարկայի ուսուցչուհի Արփինե Մարտիրոսյանը:

  

  

  

  
 

Կատեգորիա: ԴԱՍԱՊՐՈՑԵՍ | Ավելացրեց: ԽՄԲԱԳԻՐ (30.11.2022)
Դիտումներ: 334 | Վարկանիշ: 0.0/0
Մեկնաբանություններն ընդամենը՝: 0
avatar