Դեկտեմբերի 2-ին Գորիսի Յու. Բախշյանի անվան թիվ 3 հիմնական դպրոցի 9-րդ «Բ» դասարանում «Հայոց պատմություն» առարկայից տեղի ունեցավ բաց դաս՝ «ՀՍԽՀ  տարածքային հիմնախնդիրները» թեմայով:

Ուսուցչուհի Մերի Դանիելյանի հանձնարարմամբ աշակերտները բաժանվել էին խմբերի, ընտրել համակարգողներ: Խմբերը պատրաստել էին պաստառներ և տեսասահիկներ, որոնց միջոցով ներկայացրին թեմայի իրենց հատվածը:

Դասի ընթացքում աշակերտները խոսեցին Խորհրդային Հայաստանից ժառանգած տարածքային-սահմանային չլուծված խնդիրների մասին։ Հանգամանորեն ներկայացրին և մեկնաբանեցին Խորհրդային Հայաստանի՝ Լոռու և Ջավախքի խնդիրների լուծման ուղղությամբ իրականացրած քաղաքականությունն ու արդյունքները: 

Առանձին անդրադարձ կատարվեց Զանգեզուրի ինքնապաշտպանության  
ընթացքին, դրա պատմական  նշանակությանը, Գարեգին Նժդեհի պատմական կերպարին:

Հանգամանալից ներկայացվեց Լեռնային Ղարաբաղի խնդիրը՝ 1920-1921թթ. և 1988-2022թթ։

Աշակերտները ներկայացրին Մոսկվայի և Կարսի պայմանագրերը, կազմեցին պայմանագրերի համեմատական աղյուսակ, ներկայացրին արտաքին կապերը 1920-1922 թվականներին, տրամադրեցին Հայաստանի օգնության կոմիտեի մասին տեղեկություն։

Բաց դասին ներկա էր ուսումնական գծով փոխտնօրեն Սերգեյ Ավանեսյանը: