Գորիսի Յու. Բախշյանի անվան թիվ 3 հիմնական դպրոցի 9-րդ «Ա» և «Բ» դասարանի աշակերտները եռօրյա այցով «Գործընկերություն և ուսուցում» ՀԿ-ում էին

Գորիսի Յու. Բախշյանի անվան թիվ 3 հիմնական դպրոցի 9-րդ «Ա» և «Բ» դասարանի աշակերտները, դպրոցի ուսումնական գծով փոխտնօրեն, Մասնագիտական կողմնորոշման ակումբի ղեկավար Սերգեյ Ավանեսյանի և 9-րդ «Ա» դասարանի դասղեկ Արփինե Մարտիրոսյանի ուղեկցությամբ, Մասնագիտական կողմնորոշման ակումբի շրջանակներում եռօրյա այցով «Գործընկերություն և ուսուցում» ՀԿ-ում էին, որտեղ ծանոթացան կազմակերպության իրականացրած աշխատանքներին։

    

Եռօրյա այցի ընթացքում ԳՈՒՄ ՀԿ-ի ծրագրերի ղեկավար Աննա Դանիելյանը, կազմակերպական զարգացման և դասընթացների ղեկավար Աննա Ավետիսյանը, գրասենյակի ղեկավար Սրբուհի Օգանջանյանն աշակերտներին ներկայացրին ԳՈՒՄ ՀԿ-ի իրականացրած աշխատանքները, Գորիսի աշխատանքային շուկան, Հայաստանում մեծ պահանջարկ ունեցող մասնագիտություններն ու մասնագիտացումները, պատասխանեցին աշակերտների հետաքրքրող հարցերին։

ԳՈՒՄ ՀԿ-ի աշխատակիցները ողջունեցին Գորիսի Յու. Բախշյանի անվան թիվ 3 հիմնական դպրոցում Մասնագիտական կողմնորոշման ակումբի պատշաճ իրականացումը, նշեցին, որ կարևոր է աշակերտների մասնագիտական կողմնորոշումն ու դրա շրջանակում իրականացվող աշխատանքները։

Գորիսի Յու. Բախշյանի անվան թիվ 3 հիմնական դպրոցի տնօրինությունը շնորհակալություն է հայտնում «Գործընկերություն և ուսուցում» ՀԿ-ին՝ համագործակցության համար:

    

    

    

    

    

    

    

Կատեգորիա: ԴԱՍԱՊՐՈՑԵՍ | Ավելացրեց: ԽՄԲԱԳԻՐ (17.12.2022)
Դիտումներ: 132 | Վարկանիշ: 0.0/0
Մեկնաբանություններն ընդամենը՝: 0
avatar