Քանի գնում, այնքան քաղցրանում ես քիմքիս,
Հին գինի ես դառնում, արշալույսի տաք հաց,
Իմ մայրենի բարբառ՝ որձաքարը հիմքիս,
Դու սրբազան իմ հող, ակոս իմ բաց …
Վահագն Դավթյան

Փետրվարի 21-ը Մայրենի լեզվի օրն է: ՅՈւՆԵՍԿՕ-ի որոշմամբ՝ այն, որպես մայրենի լեզուների իրավունքների ճանաչման և գործածության աջակցման միջազգային օր, նշվում է 2000 թվականից: 2005 թվականից Մայրենի լեզվի միջազգային օրը նշվում է նաև Հայաստանում:

Մայրենին անաղարտ պահելու, ուսուցանելու և սերնդեսերունդ փոխանցելու առաքելությունը հիմնականում վերապահված է դպրոցին: Մեր ընթերցասերները դպրոցի գրադարանում ընթերցում են գրքեր անգամ երկար դասամիջոցներին: Նրանք դա սիրով են անում և գիտակցում են, որ մեր գոյության խարիսխը Մայրենի լեզուն է, այն մեր հոգու լեզուն է, աղոթքի լեզուն է:

Արշալույս Երիցյան