Փետրվարի 29-ին, Գորիսի Յու. Բախշյանի անվան թիվ 3 հիմնական դպրոցի 7-րդ «Ա», 7-րդ «Բ» և 7-րդ «Գ» դասարանի աշակերտների մասնակցությամբ, «Կենսաբանություն» առարկայից  տեղի ունեցավ դաս-ցուցադրություն: Դասի թեման էր «Ձկների կառուցվածքային առանձնահատկությունները»: 

Ուսուցչուհի Մարինե Բաբայանը դասի ընթացքում աշակերտներին ծանոթացրեց ձկների կառուցվածքային առանձնահատկությունների հետ, ինչպես նաև տարբերակեց այն հատկանիշները, որոնցով ոսկրային ձկները տարբերվում են կռճիկային ձկներից: Սովորողները ծանոթացան ձկան մարմնի գունավորմանը, լողակների փոխդասավորվածությանն ու քանակին, թեփուկների ձևին ու տեղադրվածությանը: Նրանք ձկան մարմնի վրա գտան նաև կողագիծը: 

Վերջում աշակերտները որոշեցին ձկան տեսակային պատկանեկիությունը:

Աշակերտներն արդեն տեսական գիտելիքների որոշակի պաշար ունեին ձկների կառուցվածքային առանձնահատկությունների վերաբերյալ, սակայն գործանականում այն կիրառելը էլ ավելի ամրապնդեց իմացածը:

Դասերին ներկա էին ուսումնական գծով փոխտնօրեն Սերգեյ Ավանեսյանն ու Բնագիտամաթեմատիկական առարկաների մեթոդմիավորման նախագահ Անուշ Դաջունցը: