Գորիսի Յու. Բախշյանի անվան թիվ 3 հիմնական դպրոցի ուսումնական գծով փոխտնօրեն Սերգեյ Ավանեսյանի և ՄԿԱ գծով փոխտնօրեն Արմիդա Գևորգյանի կողմից շարունակվում են իրականացվել դիտարկումներ, դասալսումներ դպրոցում գործող արտադասարանական խմբակների դասաժամերին:

Մարտի 14-ին հերթական դիտարկումն է իրականացվել «Երաժշտություն» առարկայից իրականացվող «Երաժշտությունը՝ հոգու հայելին է» խմբակի ընթացքում, որի խմբավարն է ուսուցչուհի Թամարա Հովհաննիսյանը:

Խմբակի ուսուցման ընթացքում աշակերտները սովորում են ճիշտ երգեցողության կանոնները, երգչական ձայների տեսակները, երգը կատարել մաքուր ինտոնացիայով, երգչային ճիշտ դրվածքով, սովորում են ընկերներին (կողքիններին) լսել և ձայնը միաձուլել, բառերն արտասանել պարզ և գեղեցիկ: