Դեկտեմբերի 13-16-ը Գորիս Յու. Բախշյանի անվան թիվ 3 հիմնական դպրոցում տեղի ունեցավ բասկետբոլի ներդպրոցական առաջնություն, որը կազմակերպել էին «Ֆիզկուլտուրա» առարկայի ուսուցիչներ Աննա Աբգարյանը և Ռոբերտ Արզումանյանը:

Առաջնությանը մասնակցեցին 6-ից 9-րդ դասարանների աշակերտները: 

Թեժ պայքարի արդյունքում 3-րդ տեղը զբաղեցրեց 7-րդ «Բ» դասարանը, 2-րդ տեղը՝ 8-րդ «Ա» դասարանը, իսկ 1-ին պատվավոր տեղը զբաղեցրեց 9-րդ «Ա» դասարանը:

Առաջնության նպատակն էր ստուգել աշակերտների ֆիզիկական պատրաստվածությունը, մեծացնել սերն ու հետաքրքրությունը սպորտի նկատմամբ և մեծ ոգևորություն, ուրախ տրամադրություն ստեղծել  տոնական օրերին ընդառաջ։