Փետրվարի 5-ին Գորիսի Յուրի Բախշյանի անվան թիվ 3 հիմնական դպրոցի 6-րդ «Բ» դասարանում, «Առողջ ապրելակերպ» պարտադիր խմբակի դասաժամին տեղի ունեցավ «Առողջ բաղադրատոմսեր, սննդի պահպանման եղանակներն» թեմայով գործնական պարապմունք: 

Դասի նպատակներն էին.

• Օգնել աշակերտներին՝ զարգացնելու խոհարարական գործնական հմտությունները՝ սովորեցնելով նրանց պատրաստել իրենց սիրած կերակուրների առողջ, այլընտրանքային տարբերակները:
• Հարստացնել նախորդ դասից քաղած գիտելիքները սննդի պահպանման պայմանների, սպառողների իրավունքների և առողջ սննդի ու դրա բաղադրիչների վերաբերյալ:
• Տեղեկանալ սննդի պահպանման եղանակներին:

Դասի վերջնարդյունքն էր.

• Բնութագրել սննդի որակի չափանիշները: Ճանաչել սննդի պահպանման եղանակները: Ներկայացնել սննդի փչացումը կանխարգելող հիմնական մեթոդները:

Գործնական պարապմունքի ընթացքում աշակերտները մեծ ակտիվություն ցուցաբերեցին: Քննարկեցին սննդի պահպանման տարբեր եղանակները, առանձնացրին առավել տարածված պահպանման մեթոդները: 

Աշակերտները բաժանվել էին խմբերի և առողջ բաղադրատոմսերին համաձայն իրականացրել աշխատանքները: Խբերից երկուսը պատրաստեցին «Սուպեր աղցան փաթաթուկ», մյուս երկուսը՝ «Մրգային ծիածան քաբաբ»: 

Դասին ներկա էին տնօրենի պաշտոնակատար Սերգեյ Ավանեսյանը, տնօրենի տեղակալ Արաքսյա Առստամյանը, ԴԱԿ Արմինե Հարությունյանը, «Դպրոցական սնունդ և երեխաների բարեկեցութություն» հիմնարկի ներկայացուցիչ Արեգնազ Արշակյանը, Բնագիտամաթեմատիկական առարկաների մեթոդմիավորման նախագահ Անուշ Դաջունցն ու 6-րդ «Բ» դասարանի դասղեկ Մերի Մկրտչյանը: 

Դասի ավարտին աշակերտները համտեսեցին և հյուրերին հյուրասիրեցին իրենց պատրաստած առողջ սնունդը: