Մարտի 6-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Պարաֆինների կիրառությունը կենսաբանության մեջ» թեմայով նախագծային աշխատանքը ղեկավարում էին «Կենսաբանություն» առարկայի ուսուցչուհի Մարինե Բաբայանը, «Քիմիա» առարկայի ուսուցչուհի Անուշ Դաջունցն ու «ԹԳՀԳ» առարկայի ուսուցչուհի Օլյա Ղուլյանը։

Նախագծային աշխատանքն իրականացրին 7-րդ «Բ» դասարանի աշակերտներ Անիտա Գևորգյանը, Սոֆի Գրիգորյանը, Տիգրան Մարգարյանը, Էլեն Բալաչյանը, Մարիանա Մկրտչյանը, 7-րդ «Գ» դասարանի աշակերտներ Լևոն Միրումյանը, Մանե Դաղունցը, Մարի Շալունցը, Էլեն Թալթուղյանը, Գոռ Հովսեփյանը, Լիլիթ Սահակյանը։

Նախագծային աշխատանքի հիմնախնդիրն էր՝

• Զարգացնել հետաքրքրություն հետազոտական և ստեղծագործական աշխատանքի նկատմամբ 

Նպատակներն էին՝

• ծանոթանալ պարաֆինների հատկություններին,
• ներկայացնել պարաֆիններից մոմերի պատրաստման եղանակները,
• խթանել լսելու ունակությունը,
• ամրապնդել կենսաբանության և քիմիայի կապը,

Խնդիրներն էին՝

• Պարզել՝ ինչպես կարելի է պարաֆինից ստանալ մոմեր։
• Նախագծային աշխատանքը վերահսկել՝ չթելադրելով սեփական կարծիքը:
• Աշակերտներին ինքնուրույն աշխատելու հնարավորություն տալ:
• Օգնել, որպեսզի խմբի ավագները ճիշտ գնահատեն խմբի անդամների կարողությունները:
• Ուսումնասիրել տարբեր տեսակի մոմերի դիզայններ:
• Հետազոտել պարաֆինի հատկությունները
• Գծագրել մոմի դիզայնը
• Ձուլել մոմեր
• Սառեցնել և ստուգել:

Վերջնարդյունքն էր՝

• Հիմնավորել կենսաբանական և քիմիական գիտելիքների անհրաժեշտությունը:
• Տեսանյութի միջոցով ներկայացնել աշխատանքի ընթացքը։
• Հիմնավորել և անկաշկանդ ներկայացնել սեփական կարծիքը:
• Ուշադիր լսել ընկերներին, որպեսզի վերջում կարողանան գնահատել:

Նախագծի ղեկավարների՝ Մարինե Բաբայանի, Անուշ Դաջունցի, Օլյա Ղուլյանի կողմից կատարվել է նախագծի նախնական պլանավորում, աշակերտների ուղորդում, համացանցային հղումներ, գրականություն և այլ անհրաժեշտ տեղեկություններ: Նախագծային աշխատանքի իրականացման ընթացքում նախագծի ղեկավարի կողմից կատարվել է ձևավորող գնահատում, մասնագիտական խորհրդատվություն և համապատասխան հմտություն:

Նախագիծը բաղկացած էր հետևյալ փուլերից.
1․ Կազմակերպչական փուլ

• Ներկայացվել է նախագծի թեման, պարզաբանվել է իրականացման նպատակները, բնորոշվել է տեղեկատվական հիմքերը, բացատրվել է իրականացման փուլերն ու ժամկետները։

2. Ախտորոշիչ փուլ

• Պլանավորվել է պրոցեսը
• Տրամադրվել է խորհրդատվություն
• Կատարվել է պլանների ճշտում
• Քննարկվել են գաղափարները
• Առաջարկվել են նոր գաղափարներ։

3. Առաջարկություն

• Կազմակերպվել է նախագծի գործունեությունը, ձևավորվել է խումբ, բաշխվել է աշակերտների դերերը խմբում, պլանավորվել է նախագծի գործունեությունը և ներկայացման ձևերը

4. Իրականացման փուլ

• Աշակերտներն ինքնուրույն են իրականացրել տեղեկատվության որոնման գործընթացը: Ուսուցիչները հանդես են եկել որպես ուղորդող և խորհրդատու։

5. Պատրաստման (նախապատրաստման) փուլ

• «Կենսաբանություն» «Քիմիա» և «ԹԳՀԳ» առարկաների ուսուցիչների կողմից կատարվել են դիտումներ, տրվել են խորհուրդներ, նախապատրաստել են նախագծի պաշտպանությանը։
• Գործնական աշխատանքի շրջանակներում «Կենսաբանություն» և «Քիմիա» առարկաների ուսուցիչներն ապահովել են աշակերտների անվտանգությունը:

6. Գնահատում, անդրադարձ

• Մշակվել է գնահատման չափանիշները
• Քննարկվել է ներկայացված նյութը
• Հարցերի միջոցով ամփոփվել է թեման։

«Պարաֆինների կիրառությունը կենսաբանության մեջ» թեմայով նախագծային աշխատանքի իրականացման համար աշակերտները պատրաստել են մոմեր, ինչպես նաև իրենց պատրաստման ընթացքը պատկերող տեսանյութ: Նախագծային աշխատանքի իրականացման ողջ ընթացքում աշակերտներից յուրաքանչյուրն ունեին առանձին աշխատանքներ.

• Գրիգորյան Սոֆին և Մարգարյան Տիգրանը տեղեկույթ են հավաքագրել պարաֆինի հալեցման մեթոդների վերաբերյալ: 
• Գևորգյան Անիտան և Բալաչյան Էլենը տեղեկույթ են հավաքել պարաֆինի հատկությունների վերաբերյալ։ 
• Շալունց Մարին, Հովսեփյան Գոռը և Սահակյան Լիլիթը հավաքագրել են տեղեկատվություն պարաֆինների դեղագործական նշանակության մասին:
• Թալթուղյան Էլենը և Մկրտչյան Մարիանան նկարագրել են պարաֆինների կիրառումը կոսմետոլոգիայում:
• Դաղունց Մանեն և Միրումյան Լևոնը պատրաստել են սահիկաշար:

Նախագծային աշխատանքը միջառարկայական էր։ Այն իրականացվել է «Կենսաբանություն», «Քիմիա» և «ԹԳՀԳ» առարկաների շրջանակում, որոնց ուսուցչուհիներ Մարինե Բաբայանը, Անուշ Դաջունցը և Օլյա Ղուլյանն աշակերտների հետ ունեցել են թեմատիկ պլանով նախատեսված հանդիպումներ: Հանդիպումների ընթացքում Դաջունցը հանդես է եկել որպես ուղորդող՝ գործնական աշխատանքների իրականացման ժամանակ, Ղուլյանը հանդես է եկել որպես խորհրդատու և՛ տեսանյութի և՛ սահիկաշարի պատրաստման աշխատանքներում:

Նախագծային աշխատանքն աշակերտին հնարավորություն է ընձեռնում մշակելու նոր գաղափարներ, ինչպես նաև դրանք արդյունավետ և նպատակային կերպով ներկայացնելու:

Լևոն Միրումյանը նախագծային աշխատանքի ընթացքում ակտիվ մասնակցություն է ունեցել խմբային աշխատանքներում, սովորել է ընկերների հետ միասին մտածել, քննարկել և լուծումներ գտնել:

Մարի Շալունցը նախագծային աշխատանքի ընթացքում կարողացել է ինքնուրույն վերլուծել նյութերը և ծրագրել աշխատանքը:

Մանե Դաղունցը ձեռք է բերել համակարգչից գրագետ օգտվելու հմտություններ:

Էլեն Թալթուղյանը զարգացրել է հաղորդակցման հմտությունները թե՛ գրավոր, թե՛ բանավոր:

Գոռ Հովսեփյանը նախագծային աշխատանքի ընթացքում զարգացրել է գրավոր և բանավոր հաղորդակցման հմտությունները:

Անիտա Գևորգյանը նախագծային աշխատանքի շրջանականերում զարգացրել է աշխատանքի կազմակերպման և ժամանակի կառավարման հմտություններ:

Սոֆի Գրիգորյանը նախագծային աշխատանքի ընթացքում ցուցաբերել է ինքնուրույնություն և նախաձեռնողականություն:

Լիլիթ Սահակյանը նախագծային աշխատանքի ընթացքում սովորել է գնահատել և ճիշտ ընտրել հուսալի տեղեկատվության աղբյուրներ՝ գիտական հոդվածներ, բժշկական հետազոտություններ, հուսալի կայքեր:

Մարիանա Մկրտչյանը նախագծային աշխատանքի ընթացքում կարողացել է ճշգրիտ և գրագետ ներկայացնել իր աշխատանքը:

Տիգրան Մարգարյանը նախագծային աշխատանքի ընթացքում սովորել է ընդունել կառուցողական քննադատությունը, այն օգտագործելով իր աշխատանքը բարելավելու համար:

Էլեն Բալաչյանը նախագծային աշխատանքի ընթացքում կարողացել է իրականացնել գործնական աշխատանքի ճիշտ կազմակերպում։

Ամփոփելով նախագծաձին աշխատանքը, հետազոտության և վերլուծության արդյունքների հիման վրա կարելի է անել հետևյալ եզրակացությունները. այս նախագիծն օգնեց աշակերտներին հասկանալու մոմերի պատրաստման մանրամասն գործընթացը՝ ցույց տալով, թե ինպես կարող են տարբեր նյութեր ազդել վերջնական արդյունքի վրա: Ուսումնասիրելով և վերլուծելով պատրաստված մոմերը՝ աշակերտները կարողացան գտնել նոր գաղափարներ և լուծումներ՝ բարելավելու արտադրության գործընթացը: Աշխատանքը ցույց տվեց նաև, թե որքան կարևոր է համահունչ մոտեցումը բոլոր քայլերում՝ նյութի ընտրությունից մինչև պատրաստի մոմերի ստացում:

«Պարաֆինների կիրառությունը կենսաբանության մեջ» թեմայով նախագծային աշխատանքի պրոդուկտներն են՝ տեսանյութ՝ մոմերի պատրաստման ընթացքի վերաբերյալ և մոմեր։