Մայիսի 5-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Наша планета Земля» թեմայով նախագծային աշխատանքը ղեկավարում էին «Ռուսաց լեզու» առարկայի ուսուցչուհի Մարիամ Հայրապետյանն ու «ԹԳՀԳ» առարկայի ուսուցչուհի Օլյա Ղուլյանը։

Նախագծային աշխատանքն իրականացրին 7-րդ «Ա» դասարանի աշակերտներ Ալեն Աթաբեկյանը, Գոռ Առաքելյանը, Մխիթար Բակունցը, Անուշ Հովհաննիսյանը, Մարի Հովսեփյանը, Հայկ Ղազարյանը, Նարեկ Ջավահիրյանն ու Վլադիմիր Քաթանյանը։

Նախագծային աշխատանքի հիմնահարցը (հիմնախնդիրը)` 

• Ինչպես է առաջացել Երկիր մոլորակը:

Նախագծային աշխատանքի նպատակը՝

• Պարզել, թե ինչպես է առաջացել Երկիր մոլորակը,
• Գիտնականներից ովքեր ինչ վարկածներ են ունեցել Երկրի առաջացման մասին,
• Դիտարկել և ներկայացնել Երկրի ծագման մասին բոլոր վարկածները:

Նախագծային աշխատանքի խնդիրները՝

• Կարդալ հին ժողովրդական զրույցներ կամ առասպելներ, գիտական հոդվածներ թեմայի վերաբերյալ, 
• Կատարել ենթադրություններ Երկրի ծագման մասին,
• Արտահայտել սեփական կարծիքը Երկիր մոլորակի առաջացման մասին:

Լրացուցիչ

• Կոնկրետացնել հանձնարարությունը:
• Ապահովել ուսումնաօժանդակ նյութերով:
• Նախագծային աշխատանքը վերահսկել՝ չթելադրելով սեփական կարծիքը:
• Աշակերտներին ինքնուրույն աշխատելու հնարավորություն տալ :
• Օգնել, որպեսզի խմբի ավագները ճիշտ գնահատեն խմբի անդամների կարողությունները:

Նախագծային աշխատանքի վերջնարդյունքներից էր՝

• Կցուցաբերեն արդյունավետ ինքնուրույնություն, ստեղծագործական երևակայություն և մտածողություն։
• Կցուցաբերեն պատասխանատվություն թիմային աշխատանքում, արդյունավետ կկառավարի և´ իրենց, և´ թիմակիցների ժամանակը։ 
• Կդրսևորեն համագործակցային և սոցիալական հմտություններ։ 
• Կդրսևորեն հետազոտելու, փորձարկելու, տարբեր գործիքակազմեր համադրելու կարողություն։
• Կգտնեն տեղեկույթ տարբեր աղբյուրներից այն օգտագործելիս կատարել հղումներ։
• Կտիրապետեն առարկայական բառապաշարի, կընկալեն թեմայի բովանդակությունը, կտան  մանրամասն նկարագրություն, բացատրություն։
• Կձևակերպեն հետազոտության պլան, կհետևեն դրան։
• Կմեկնաբանեն, կվերլուծեն տեղեկատվությունը։
• Կներկայացնեն հետազոտության թեմայի վերաբերյալ սեփական կարծիքն ու առաջարկությունները, կկատարեն եզրահանգումներ։
• Կպատրաստեն տեսասահիկ, Արեգակնային համակարգի մոդելը։

Աշխատանքային խմբեր՝

1. Երկիր մոլորակի առաջացման մասին նյութեր և վարկածներ։
2. Տեսասահիկ:
3. Արեգակնային համակարգի մանրատիպար:

Առաջադրանքներն ըստ աշակերտների`
Առաքելյան Գոռը, Բակունց Մխիթարը, Հովհաննիսյան Անուշը, Ջավահիրյան Նարեկը, Հովսեփյան Մարին կատարել են հետազոտություն համացանցում, ուսումնասիրել են Երկիր մոլորակի առաջացման մասին նյութերը և վարկածները։

Ղազարյան Հայկը, Առաքելյան Գոռը, Քաթանյան Վլադիմիրը, Բակունց Մխիթարը ուսուցչի հետ քննարկել և պարզաբանել են հավաքագրված նյութերի համապատասխանությունը:

Հովհաննիսյան Անուշը, Ղազարյան Հայկը, Ջավահիրյան Նարեկը, Առաքելյան Գոռը հավաքագրված նյութերով և նկարներով պատրաստել են տեսասահիկ։

Հովսեփյան Մարին, Քաթանյան Վլադիմիրը, Հովհաննիսյան Անուշը, Բակունց Մխիթարը, Աթաբեկյան Ալենը պատրաստելու են Արեգակնային համակարգի մանրատիպարը:

Նախագծային աշխատանքի ղեկավարներ Մարիամ Հայրապետյանի և Օլյա Ղուլյանի կողմից կատարվել է աշխատանքների ստուգում:

Ժամանակացույց (ամբողջ նախագծին հատկացված, առանձին խմբերի հետ միջանկյալ հանդիպումների, ավարտուն նախագծի ներկայացման ժամկետ)`

• Կարճատև նախագծերի ծրագրում։
• Նախագծային աշխատանքի տեսական մասի կատարում (գրադարան, համացանց, խորհրդատվություն)
• Պատրաստած նյութերի վերանայում, քննարկում։
• Աշխատանքների իրականացում՝ ըստ խմբերի։
• Վերջնական արդյունքի ստեղծում։
• Ավարտուն նախագծերի արդյունքների ներկայացում:

Նախագծային աշխատանքի փուլերը՝

1. Երկրի ծագման մասին հայտնի գիտնականների հիմնական ենթադրությունների ուսումնասիրություն
2. Ժորժ Բյուֆոնի վարկածը Երկրի ծագման մասին
3. Իմանուիլ Կանտի վարկածը Երկրի ծագման մասին
4. Օտտո Շմիդտի վարկածը Երկրի ծագման մասին
5. Աշխարհի արարումը Աստծու կողմից
6. Աշխարհի ստեղծման մասին տարբեր ժողովուրդների առասպելների ուսումնասիրություն
7. Տեսասահիկի պատրաստում
8. Արեգակնային համակարգի մանրատիպարի պատրաստում։

Ամփոփիչ փուլ

• նախագծային գործունեության արդյունքների ամփոփում և գնահատում (արդյունքների խմբային գնահատում (փոխադարձ -ձևավորող)),
• խմբի յուրաքանչյուր մասնակցի աշխատանքի ինքնագնահատում,
• արդյունքների գնահատում (ուսուցանող, միավորային)

Երկիր մոլորակի ստեղծման պատմության ուսումնասիրությունը մեծ հետաքրքրություն է առաջացրել աշակերտների մոտ: Աշխատանքի ընթացքում յուրաքանչյուր սովորող իրականացրել է նախագծային աշխատանքի պլանով սահմանված իր բաժինը: Աշակերտները մեծ ոգևորությամբ են իրականացրել նախագծային աշխատանքը՝ ներշնչվելով թեմայի խորությամբ ու առեղծվածայնությամբ: Նրանք ցուցաբերել են արդյունավետ ինքնուրույնություն, ստեղծագործական երևակայություն և մտածողություն: Ցուցաբերել են պատասխանատվություն թիմային աշխատանքում: Կարողացել են արդյունավետ կառավարել և՛ իրենց, և՛ թիմակիցների ժամանակը:

Թեման ակտիվ քննարկումների ու մտահղացումների առիթ է տվել, քանի որ դեռևս չկա վերջնական հստակ պատասխան աշխարհի ստեղծման վերաբերյալ:

Նախագծային աշխատանքն ավարտվել է գրավոր թեստային աշխատանքով: Արդյունքներն ամփոփվել են, կատարվել է միավորային գնահատում:

«Наша планета Земля» նախագծային աշխատանքում ընդգրկված աշակերտներից Առաքելյան Գոռը, Ղազարյան Հայկը և Ջավահիրյան Նարեկը ակտիվ մասնակցություն են ունեցել նախագծային աշխատանքի իրականացման գործում: Նրանք կատարել են հետազոտություն համացանցում, ուսումնասիրել են Երկիր մոլորակի առաջացման մասին նյութերն ու վարկածները:

Առաքելյան Գոռը նախագծային աշխատանքի ընթացքում սովորել է գնահատել և ճիշտ ընտրել հուսալի տեղեկատվության աղբյուրներ: Նա զարգացրել է աշխատանքի կազմակերպման և ժամանակի կառավարման հմտություններ:

Ղազարյան Հայկը նախագծային աշխատանքի ընթացքում ցոցաբերել է ինքնուրույնություն և նախաձեռնողականություն: Նա կարողացել է ճշգրիտ և գրագետ ներկայացնել իր աշխատանքը:

Քաթանյան Վլադիմիրը հետաքրքրությամբ ուսումնասիրել է աշխարհի արարման պատմությունը ըստ Աստվածաշնչի՝ այնտեղից հավաքելով և ներկայացնելով հիմնական տեղեկությունները Աստծու արարչագործության վերաբերյալ: Նրա մոտ ձևավորվել է պատասխանատվության զգացում, աշխատանքային կարգապահություն, ընկերներին լսելու և գնահատելու կարողություն:

Հովհաննիսյան Անուշը և Հովսեփյան Մարին ուսումնասիրել և հավաքագրել են աշխարհի ստեղծման վերաբերյալ տարբեր ժողովուրդների առասպելները, որոնք օգնել են նախագծային աշխատանքի իրականացմանը:

Հովհաննիսյան Անուշը նախագծային աշխատանքի ողջ ընթացքում աչքի է ընկել պարտաճանաչությամբ և պատասխանատվության զգացումով: Նա ցուցաբերել է աշխատասիրություն՝ տրված հանձնարարությունները ժամանակին կատարելով:

Հովսեփյան Մարին նախագծային աշխատանքի ողջ ընթացքում զարգացրել է գրավոր և բանավոր հաղորդակցման հմտություններ:

Բակունց Մխիթարը ցուցաբերել է վերլուծական մտածողություն, հետաքրքասիրություն, աշխատանքային հմտություն:

Աթաբեկյան Ալենը մեծ հետաքրքրությամբ տեղեկություններ է հավաքել Արեգակնային համակարգի մոլորակների մասին: Նախագծային աշխատանքի ընթացքում նրա մոտ ձևավորվել է վստահություն սեփական ուժերի հանդեպ և աշխատանքային կարգապահություն:

Հովհաննիսյան Անուշը, Բակունց Մխիթարը և Քաթանյան Վլադիմիրը պատրաստել են Արեգակնային համակարգի մանրատիպարը: Նրանց մոտ ձևավորվել են թիմում աշխատելու և համագործակցելու կարողություններ:

Ղազարյան Հայկը, Առաքելյան Գոռը և Ջավահիրյան Նարեկը «ԹԳՀԳ» առարկայի ուսուցչուհի Օլյա Ղուլյանի ղեկավարությամբ պատրաստել են թեմատիկ սահիկը։ Պրոյեկտորի միջոցով մեծ էկրանի վրա ցուցադրվել է տվյալ թեմայի վերաբերյալ պատրաստված ամբողջ նյութը։

Ջավահիրյան Նարեկը նախագծային աշխատանքի ընթացքում կարողացել է ինքնուրույն վերլուծել նյութերը, ծրագրել աշխատանքը: Նա ձեռք է բերել համակարգչից գրագետ օգտվելու հմտություններ:

Պաշտպանության ընթացքում աշակերտներն անկեղծ պատասխանել են տրված հարցադրումներին` ինչպես են աշխատել և ինչ են սովորել:

Նախագծային աշխատանքի արդյունքով պատրաստվել է Երկիր մոլորակի ծագման մասին տեսասահիկ և Արեգակնային համակարգի մանրատիպար: