Մարտի 20-ին Գորիսի Յուրի Բախշյանի անվան թիվ 3 հիմնական դպրոցի 3-րդ «Բ» դասարանում տեղի ունեցավ «Մի փունջ գարուն» խորագրով ինտեգրված դաս-միջոցառում, որը կազմակերպել էր դասվար Անուշ Աղաբեկյանը։

Դասն իր մեջ ներառում էր տարբեր առարկաներ՝ «Ես և շրջակա աշխարհը», «Մայրենի», «Երաժշտություն», «Տեխնոլոգիա», և համեմված էր երգերով, պարերով, արտասանություններով։ 

Դասվար Անուշ Աղաբեկյանը ներկայացրեց դասի քայլաշարը ու սկիզբը մեկնարկեց «Խճանկար» մեթոդ-հնարով, որի արդյունքում աշակերտները գուշակելով հանելուկների և հարցերի ճիշտ պատասխանները, հավաքեցին մի գեղեցիկ գարնանային տեսարան։ Այնուհետև ներկայացրին ծաղիկների բուժիչ հատկությունների մասին ինֆորմացիա և բոլորին մաղթեցին, որ լինեն առողջ ու օգտվեն ծաղիկներից պատրաստված թուրմերից։

Դաս-միջոցառման ավարտին սովորողները շնորհավորեցին իրենց մայրիկներին՝ կատարելով Ադրիանայի «Մայրիկ» երգը։ Գարնանային բարձր ու զվարթ տրամադրությունը թևածում էր դահլիճում։