Գորիսի Յուրի Բախշյանի անվան թիվ 3 հիմնական դպրոցի 1-ին «Բ» դասարանի փոքրիկ դպրոցականների կյանքում մայիսյան այս օրը հիշարժան դարձավ առանձնահատուկ իրադարձությամբ։ «Լույսի կանթեղ» խորագրով անցկացված գեղեցիկ ու ջերմ միջոցառմամբ նշանավորվեց նրանց առաջին և առանցքային հաղթանակը՝ տառաճանաչ դառնալու ուրախությունը և իրենց կյանքի առաջին գրքի՝ այբբենարանի ընթերցման ավարտը: Դասվար Անահիտ Աղաբեկյանի կողմից կազմակերպված միջոցառման ընթացքում երեխաներն իրենց մանկական պարզությամբ, ոգևորությամբ և հուզմունքով ներկայացրին բանաստեղծություններ, երգեր, փոքրիկ բեմադրություններ ու սրտանց խոսքեր՝ շնորհակալություն հայտնելով ուսուցիչներին, ծնողներին և բոլոր նրանց, ովքեր եղել են իրենց առաջին քայլերի ուղեկիցը։ Յուրաքանչյուր ելույթ լուսավորում էր բեմը՝ ինչպես վառվող կանթեղներ, որոնք խորհրդանշում էին գիտելիքի, լույսի ու կրթության ճանապարհի սկիզբը։ Միջոցառումը նաև խորապես հուզիչ պահերով էր լեցուն։ Փոքրիկները մեծագույն հպարտությամբ պատմում էին իրենց անցած ճանապարհի մասին՝ այն դժվարություններով ու ձեռքբերումներով, որոնք նրանց հասցրել էին այբուբենի տիրապետմանը։ «Լույսի կանթեղն» այդ օրը վառվեց յուրաքանչյուրի սրտում՝ դառնալով ոգեշնչման, շարունակական ձգտման և ուսումնառության ճանապարհին լույս բերող խորհրդանիշ։
| |
|
| |
| Դիտումներ: 183 | |
՛
| Մեկնաբանություններն ընդամենը՝: 0 | |