Մարտի 20-ին Գորիսի Յու. Բախշյանի անվան թիվ 3 հիմնական դպրոցում մասնագիտական կողմնորոշման նպատակով, Մասնագիտական կողմնորոշման ակումբի շրջանակներում տեղի ունեցավ հանդիպում դպրոցի 8-րդ և 9-րդ դասարանների տղաների հետ, որի ընթացքում դպրոցի ուսումնական գծով փոխտնօրեն, Մասնագիտական կողմնորոշման ակումբի ղեկավար Սերգեյ Ավանեսյանն ու «ՆԶՊ» առարկայի ուսուցիչ Արտուր Հովսեփյանը ներկայացրին Հայաստանում ռազմամարզական կրթություն ստանալու հնարավորությունները:
Մասնավորապես, ներկայացվեց 9-րդ դասարանն ավարտելուց հետո կրթությունը ռազմամարզական վարժարաններում շարունակելու, ՀՀ ՊՆ Վ. Սարգսյանի անվան ռազմական համալսարանում բարձրագույն կրթություն ստանալու հնարավորությունները: Տեսանյութի միջոցով աշակերտները ծանոթացան համալսարանի ընդունելության կարգին, մասնագիտություններին, բնութագրերին և պայմաններին, սոցիալական երաշխիքներին ու արտոնություններին: Վերջում Արտուր Հովսեփյանն ու Սերգեյ Ավանեսյանը պատասխանեցին աշակերտների հարցերին: Հանդիպմանը ներկա էին նաև ՄԿԱ գծով փոխտնօրեն Արմիդա Գևորգյանը, ԴԱԿ Արաքսյա Առստամյանը, ուսուցիչներ:
| |
| |
Դիտումներ: 395 | |
Մեկնաբանություններն ընդամենը՝: 0 | |