Ապրիլի 23-ին Կապանի Դ. Համբարձումյանի անվան մանկապատանեկան մարզադպրոցում կայացավ ՀՀ մարզերի և Երևան քաղաքի դպրոցների 4-6-րդ դասարանների աշակերտների միջև «Սպորտլանդիա» մարզական միջոցառման մարզային փուլը:

Թեժ մրցապայքարում 53 միավորով 1-ին տեղ զբաղեցրին ու ՀՀ կրթության, գիտության, մշակույթի և սպորտի նախարարության կողմից տրված հավաստագրի ու գավաթի արժանացան մեր դպրոցի սաները:

Մրցանակային տեղեր են զբաղեցրել.

• 2-րդ տեղ՝ Կապանի թիվ 5 հիմնական դպրոց
• 3-րդ տեղ՝ Գորիսի Սերո Խանզադյանի անվան թիվ 6 հիմնական դպրոց:

Գորիսի Յու․ Բախշյանի անվան թիվ 3 հիմնական դպրոցի 4-6-րդ դասարանի աշակերտների թիմը՝ որպես հաղթող, իրավունք ստացավ մասնակցելու մայիսին Վանաձոր քաղաքում կայանալիք սպորտլանդիայի եզրափակիչ փուլին։

Մեր թիմի մարզիչներն են «Ֆիզկուլտուրա» առարկայի ուսուցիչներ Ռոբերտ Արզումանյանն ու Աննա Աբգարյանը:  

Հիշեցնենք, որ ապրիլի 22-ին Կապանի Դ. Համբարձումյանի անվան մանկապատանեկան մարզադպրոցում կայացել է ՀՀ մարզերի և Երևան քաղաքի դպրոցների 1-3-րդ դասարանների աշակերտների միջև «Սպորտլանդիա» մարզական միջոցառման մարզային փուլը, որի արդյունքներով Գորիսի Յու․ Բախշյանի անվան թիվ 3 հիմնական դպրոցի 1-3-րդ դասարանի աշակերտների թիմը՝ որպես հաղթող, իրավունք է ստացել մասնակցելու մայիսին Գյումրի քաղաքում կայանալիք սպորտլանդիայի եզրափակիչ փուլին և ներկայացնելու Սյունիքի մարզը: