Գորիսի Յուրի Բախշյանի անվան թիվ 3 հիմնական դպրոցում տոներին ընդառաջ հայտարարվել էր արդեն ավանդական դարձած «Լավագույն զարդարված դասարան 2024» խորագրով մրցույթը։ Մրցույթի շրջանակում դպրոցի 27 դասարանները պետք է ձևավորեին իրենց դասարանները, պատրաստվեին Ամանորին։

Դասարանների գնահատումն իրականացրել է 7 հոգուց կազմված ժյուրին, որի անդամներն էին՝ տնօրենի պաշտոնակատար Սերգեյ Ավանեսյանը, տնօրենի տեղակալ Արաքսյա Առստամյանը, ՄԿԱ գծով համակարգող Արմիդա Գևորգյանը, դաստիարակչական աշխատանքների կազմակերպիչ Արմինե Հարությունյանը, ուսուցչի օգնականներ Հասմիկ Օհանյանը, Աննա Սիմոնյանն ու Հասմիկ Տատինցյանը։

Գնահատումն իրականացվել է եվրատեսիլյան սկզբունքով։ Ինչպես երգի հեղինակավոր մրցույթում, ժյուրիի յուրաքանչյուր անդամ դասարաններին տվել է 1-8, 10 և 12 միավորներ։

Դեկտեմբերի 26-ին ամփոփվել են «Լավագույն զարդարված դասարան 2024» մրցույթի արդյունքները, որոնց հիման վրա արձանագրվել է հետևյալ արդյունքը․

1-ին տեղ՝ 1-ին «Ա» դասարան, 67 միավոր,
2-րդ տեղ՝ 8-րդ «Ա» դասարան, 51 միավոր,
3-րդ տեղ՝ 1-ին «Գ» դասարան, 50 միավոր։

Քվեարկության արդյունքները

Տնօրինության կողմից հաղթող դասարանները պարգևատրվել են նվերներով, իսկ 1-ին տեղը զբաղեցրած 1-ին «Ա» դասարանը նաև պարգևատրվել է գավաթով։