Ամփոփելով անցնող տարին՝ կարող ենք վստահ ասել, որ այն մեր դպրոցի համար եղել է աշխատանքի, պատասխանատվության և համախմբվածության տարի։ Միասին հաղթահարել ենք դժվարություններ, արձանագրել հաջողություններ և կարևոր քայլեր կատարել կրթական միջավայրի զարգացման ճանապարհին։ Անցնող տարին մեր դպրոցի համար եղել է փորձությունների, միաժամանակ նաև համատեղ աշխատանքի և պատասխանատու մոտեցման տարի։ Մարտահրավերներին դիմակայել ենք միասին՝ ապահովելով դպրոցի բնականոն գործունեությունը և ստեղծելով առավել կազմակերպված ու բարենպաստ միջավայր ուսումնական գործընթացի համար։ 2026 թվականը դիմավորում ենք նոր ակնկալիքներով, ավելի բարձր նպատակներով ու նոր ծրագրերով։ Վստահ եմ, որ այն կդառնա առաջընթացի, նորարարության և ստեղծարար գաղափարների իրականացման տարի։ Թող առաջիկա տարին մեզ բոլորիս պարգևի նոր հնարավորություններ՝ կրթության որակը բարձրացնելու, դպրոցական կյանքի բովանդակությունն ավելի հարստացնելու և մեր աշակերտների ներուժը լիարժեք բացահայտելու համար։ Շնորհավորում եմ ձեզ Ամանորի և Սուրբ Ծննդյան տոների առթիվ։ Թող այս լուսավոր օրերը ձեր ընտանիքներ բերեն խաղաղություն, ջերմություն, սեր և փոխադարձ վստահություն։ Թող նոր տարին ամրապնդի մեր հավատը վաղվա օրվա հանդեպ և ոգեշնչի նոր հաղթանակների՝ ի նպաստ մեր դպրոցի, համայնքի և հայրենիքի զարգացման ու բարգավաճման։ Մաղթում եմ, որ համատեղ աշխատանքի, նվիրվածության և պատասխանատու վերաբերմունքի շնորհիվ շարունակենք զարգացնել մեր դպրոցը՝ այն դարձնելով ժամանակակից, ապահով և ստեղծարար կրթական միջավայր։ Թող կրթությունը շարունակի մնալ մեր գլխավոր արժեքը, իսկ յուրաքանչյուր աշակերտ գտնի իր ինքնադրսևորման ուղին և ապագայի հաջողության բանալին։ Բոլորիդ մաղթում եմ առողջություն, ընտանեկան երջանկություն, մասնագիտական կայացում և անսասան հավատ՝ լուսավոր ու խաղաղ գալիքի հանդեպ։ Թող 2026 թվականը լինի բարենպաստ սկիզբ նոր նվաճումների, հաջողությունների և հիշարժան պահերի համար։ Շնորհավոր Ամանոր և Սուրբ Ծնունդ։ Հարգանքով՝ | |
|
| |
| Դիտումներ: 49 | |
| Մեկնաբանություններն ընդամենը՝: 0 | |