Ապրիլի 18-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Համաչափությունը հայկական հեթանոսական տաճարներում» թեմայով նախագծային աշխատանքը ղեկավարում էին «Մաթեմատիկա» առարկայի ուսուցչուհի Սիրուշ Բաղդասարյանն ու «ԹԳՀԳ» առարկայի ուսուցչուհի Օլյա Ղուլյանը։

Նախագծային աշխատանքն իրականացրին 8-րդ «Գ» դասարանի աշակերտներ Ալեքս Միկա Ավանեսյանը, Մարի Կարապետյան, Ալյոնա Մալունցը, Գոռ Խաչունցը, Լիլի Մալինցյանը, Անի Մինասյանը, Նարե Ալումյանը, Արթուր Ալումյանն ու Նվեր Օհանջանյանը։

Նախագծային աշխատանքի հիմնահարցը (հիմնախնդիրը)` 

• Զարգացնել ժամանակակից աշխարհի մարտահրավերներն ընդունելու կարողություններ և արժեհամակարգ;

Նախագծային աշխատանքի նպատակը՝
Ակադեմիական 

• Ուշադրություն դարձնել տաճարների կառուցվածքային համաչափությանը և նրա ազդեցությանը կայունության վրա:
• Անդրադառնալ տաճարների տեսողական գրավչությանը:

Արժեհամակարգ

• Արժևորել հայկական հեթանոսական տաճարների դերակատարությունն ազգային մշակույթի պահպանման մեջ:
• Ուսումնասիրել մշակութային կապերը:

Հմտություն

• Վերլուծել արհեստական ճարտարապետական լուծումները:
• Բացատրել, թե Ինչպե՞ս են փոփոխվել համաչափության սկզբունքները
• Ձևավորել միջառարկայական մտածողություն և տարածական ընկալումներ:

Կարողություն 

• Զարգացնել աշակերտների համագործակցային հմտությունները
• Զարգացնել գրավոր և բանավոր կապակցված խոսք կառուցելու, օգտվել    տեղեկատվական   աղբյուրներից օգտվելու կարողություններ: 

Նախագծային աշխատանքի վերջնարդյունքներն են՝

• Հասկանալ ճարտարապետական շինություններ կառուցելու կանոնները, հայտնաբերել սիմետրիկությունը:
• Բացահայտել համաչափությունը հայկական հուշակոթողներում:
• Բացահայտել հայկական հեթանոսական տաճարներում համաչափության նշանակությունը:
• Պատրաստել տեսասահիկ` համաչափության տարբեր օրինակների ցուցադրությամբ:
• Պատրաստել Գառնու հեթանոսական տաճարի մակետը:

Նախագծային աշխատանքի խնդիրներն են՝

• Կոնկրետացնել հանձնարարությունը:
• Ապահովել ուսումնաօժանդակ նյութերով:
• Կատարել նախնական վերլուծություն:
• Նախագծային աշխատանքը վերահսկել՝ չթելադրելով սեփական կարծիքը:
• Աշակերտներին ինքնուրույն աշխատելու հնարավորություն տալ:

Նախագծային աշխատանքի առաջնային նպատակներն են՝ 

• Խթանել սովորողի ինքնազարգացումը՝ նոր փորձ ձեռք բերելու, գիտելիքները կիրառելու համար,
• Օժանդակել սովորողների անհրաժեշտ կրթական կարողունակությունների և բովանդակային գիտելիքների ձևավորմանը,
• Զարգացնել համապատասխան հմտություններ ձևավորել կյանքի և աշխարհի մարտահրավերներն ընդունելու համար անհրաժեշտ արժեհամակարգ,
• Ապահովել սովորողների փոխհամագործակցությունը հետազոտական աշխատանքի կատարման ընթացքում: 

Նախագծի իրականացման արդյունքում աշակերտների մոտ ձևավորվել են` 

• սովորել սովորելու կարողունակությունը,
• ինքնաճանաչողական և սոցիալական կարողունակությունը,
• մաթեմատիկական և գիտատեխնիկական կարողունակությունը:

Նախապես ներկայացվել է նախագծային աշխատանքի թեման, կազմվել է ուսումնական նախագծի պլան, թեմատիկ պլան, որում հստակ սահմանվել են այն աշխատանքները, որոնք պետք է իրականացվեն հանդիպումների ընթացքում, և կատարվել է աշխատանքի բաժանում։ Աշխատանքի ընթացքում յուրաքանչյուր սովորող իրականացրել է նախագծային աշխատանքի պլանով սահմանված աշխատանքը։ Ուսումնական նախագծի նախապատրաստական փուլից միչև ավարտի օրը յուրաքանչյուր աշակերտ պարբերաբար կատարել է գրառումներ՝ ինքնագնահատման և անդրադարձի ժամանակ տվյալները օգտագործելու նպատակով:
«Համաչափությունը հայկական հեթանոսական տաճարներում» թեմայով միջառարկայական նախագծային աշխատանքն իրականացվել է 8-րդ «Գ» դասարանի աշակերտների կողմից: Նախագծային աշխատանքի մեկնարկը տրվել է 2025 թվականի փետրվարի 18-ին և ավարտվել 2025 թվականի ապրիլի 15-ին: Պաշտպանությունը տեղի է ունեցել ապրիլի 18-ին:

Նախագծային աշխատանքի փուլերը՝

1. Նախագծային աշխատանքի սկզբում որոշվել է աշակերտների անվանացանկը, կատարվել է աշխատանքի բաժանում, գնահատվել են նախագծում ընդգրկված աշակերտների հնարավորությունները: 
2. Սիրուշ Բաղդասարյանն ու Օլյա Ղուլյանը համատեղ կազմակերպել և վերահսկել են նախագծի գործունեությունը, լսել սովորողների կարծիքները, դրանց հիման վրա բաշխել աշակերտների դերերը: 
3. Նախագծային աշխատանքի խմբում ընդգրկված աշակերտների հետ հանդիպումներն իրականացվել են սահմանված կարգով: Հանդիպումների ժամանակ ուսումնասիրվել և քննարկվել են աշակերտների կողմից ներկայացված փաստարկները, տեղեկությունները, թերություններն ու առավելությունները, տրվել խորհուրդներ՝ աշակերտներին նախապատրաստելով պաշտպանությանը:
4. Հավաքագրվել է տաճարների կառուցվածքային համաչափության մասին տեղեկույթ:
5. Նախագծային գործունեության արդյունքների ամփոփում և գնահատում (արդյունքների խմբային գնահատում (փոխադարձ -ձևավորող)):
6. Խմբի յուրաքանչյուր մասնակցի աշխատանքի ինքնագնահատում:
7. Արդյունքների գնահատում (ուսուցանող, միավորային):

Կատարված աշխատանքի արդյունքում սովորողները կարողացան ներկայանալ և ներկայացնել իրենց ու իրենց կողմից կատարված աշխատանքը: Համառոտ նկարագրեցին կատարված աշխատանքը` ինչ խնդիր են դրել, ինչու են ընտրել հենց այդ թեման, ինչպիսին է աշխատանքի արդյունքը, որն է նախագծի արդյունավետությունը:

Նախագծային աշխատանքն ավարտվել է գրավոր թեստային աշխատանքով: Արդյունքներն ամփոփվել են, կատարվել է միավորային գնահատում:

«Համաչափությունը հայկական հեթանոսական տաճարներում» նախագծային աշխատանքում ընդգրկված աշակերտներից Մալունց Ալյոնան, Օհանջանյան Նվերը և Խաչունց Գոռը հավաքագրել և ուսումնասիրել են մաթեմատիկական ճարտարապետության մասին հասանելի տեղեկույթը, բացահայտել են առավելությունները  և թերությունները:

Ավանեսյան Ալեքս Միկան, Ալումյան Նարեն և Կարապետյան Մարին հավաքագրել և ուսումնասիրել են հայկական հուշակոթողներում համաչափության մասին հասանելի տեղեկությունը: 

Մալինցյան Լիլին, Ալումյան Արթուրը և Մինասյան Անին հավաքագրել և ուսումնասիրել են ճարտարապետության և բնության համաչափության մասին հասանելի տեղեկույթը, բացահայտել են առավելությունները և գեղեցկությունը: 

Մալունց Ալյոնան ցուցաբերել է ստեղծագործական գաղափարը մշակելու, զարգացնելու և ավարտին հասցնելու հմտություններ:

Ավանեսյան Ալեքս Միկայի մոտ զարգացել է տեխնոլոգիական տեղեկատվական տիրույթում աշխատելու կարողունակություններ: Նրա մոտ ձևավորվել է վստահություն սեփական ուժերի հանդեպ, հետաքրքասիրություն մաթեմատիկայի նկատմամբ:

Խաչունց Գոռն ընդլայնել է իր ձեռք բերած գիտելիքների գործնական կիրառության շրջանակը: Ցուցաբերել է աշխատասիրություն` տրված հանձնարարությունները ժամանակին կատարելով:

Մալինցյան Լիլիի մոտ ձևավորվել են երկրաչափական պատկերների և մարմինների մասին գիտելիքներն ամենօրյա կյանքում և հարակից ուսումնական առարկաներում կիրառելու հմտություններ:

Մինասյան Անիի մոտ ձևավորվել է քննական մտածողություն, զարգացել է նրա ստեղծագործական երևակայությունը: Ցուցաբերել է գեղարվեստական նյութի հետ աշխատելու սկզբունքների իմացություն:

Ալումյան Նարեի մոտ ձևավորվել է պատասխանատվության զգացում` հանձնարարված աշխատանքները կատարելու, ինչպես նաև թիմային աշխատանքի հմտություններ: Կարողացել է իր գիտելիքների ողջ պաշարն օգտագործել նախագծային աշխատանքի հաջող իրականացման համար:

Ալումյան Արթուրն օգնել է ընկերներին տեղեկույթի հավաքագրման գործընթացում` ցուցաբերելով համագործակցային աշխատանքի հմտություններ, ընկերներին օգնելու պատրաստակամություն:

Օհանջանյան Նվերը նախագծային աշխատանքի արդյունքում սովորել է բանավիճել ընկերների հետ, լսել տարբեր կարծիքներ, դառնալ ավելի հանդուրժող: 

Կարապետյան Մարիի մոտ ձևավորվել են մաթեմատիկական մտածողության նոր որակներ, քննադատական մտածողություն, նա յուրովի է սկսել ընկալել մաթեմատիկական տեղեկույթը, այնտեղ գտել իր հարցերի պատասխանները: 

Պաշտպանության ընթացքում աշակերտներն անկեղծ պատասխանել են տրված հարցադրումներին` որքանով է օգտակար նախագծին մասնակցելը, ինչ են սովորել, ինչպես են աշխատել, ինչ նոր գաղափարներ ունեն նախագծի շարունակական լինելու հետ կապված:

Նախագծային աշխատանքի իրականացման արդյունքում ստեղծվել է Գառնու հեթանոսական տաճարի մակետը։