Դեկտեմբերի 17-ին Գորիսի Յուրի Բախշյանի անվան թիվ 3 հիմնական դպրոցում տեղի ունեցավ նախագծային աշխատանքի պաշտպանություն:

«Հայկական խոհանոցի գաղտնիքները» թեմայով նախագծային աշխատանքը ղեկավարում էին «Աշխարհագրություն» առարկայի ուսուցչուհի Հերմինե Ալավերդյանը, «Հայաստանի պատմություն» առարկայի ուսուցչուհի Մերի Դանիելյանը։

Նախագծային աշխատանքն իրականացրին 9-րդ «Բ» դասարանի աշակերտներ Մարիամ Այվազյանը, Աննա Մարտիրոսյանը, Էլեն Առուստամյանը, Նանե Բաբայանը, Նանա Աբրահամյանը, Գարիկ Հայրապետյանն ու Սիրանուշ Հարությունյանը։

Այվազյան Մարիամը ձեռք է բերել ազգային խոհանոցի առանձնահատկությունները մեկնաբանելու կարողություններ, սկզբնական աղբյուրների հետ աշխատելու հմտություններ:

Մարտիրոսյան Աննան ցույց է տվել, որ հայկական մշակույթում խոհանոցը սերտորեն կապված է հյուրընկալության և հյուրասիրության հետ, ներկայացրել է, որ միայն հայերն են, որ իրենց դիցարանում ունեցել են հյուրասիրության և հյուրընկալության աստված՝ Վանատուրը:

Առուստամյան Էլենը խորացրել է իր գիտելիքները հայկական քաղաքակրթական ժառանգության վերաբերյալ, որոշումներ կայացնելու կարողություններ ու հմտություններ` Հայաստանում ազգային խոհանոցի մշակույթը ներկայացնելու համար:

Բաբայան Նանեն սովորել է համագործակցել, թիմում աշխատել, պաշտպանել իր տեսակետը, ընդլայնել է հայկական մշակույթի վերաբերյալ իր գիտելիքները:

Աբրահամյան Նանան սովորել է հավաքագրել, ներկայացնել, գնահատել, պլանավորել Հայաստանի խոհանոցի պատմությունը ներկայացնող բազմազան տեղեկույթ:

Հայրապետյան Գարիկը կարևորել է ազգային մշակույթի արժեքները պահպանելու, հաջորդ սերունդներին փոխանցելու անհրաժեշտությունը, ձեռք է բերել հարցադրումներ կատարելու, լսելու, քննարկելու հմտություններ:

Հարությունյան Սիրանուշը ամրապնդել է իր գիտելիքները հայ ժողովրդի կենցաղավարման ավանդույթների, ինչպես նաև բնաշխարհի բոլոր բարիքների` ազգային խոհանոցում մեկտեղվելու մասին:

• Պրոդուկտ