Գորիսի Յու. Բախշյանի անվան թիվ 3 հիմնական դպրոցի 1-ին դասարանցիների համար կազմակերպվել էր տարեմուտի տոնական միջոցառում, որի ընթացքում նրանց հյուր էր եկել Ձմեռ պապը:

Երեխաներն ասմունքեցին, երգեցին ու պարեցին, որից հետո Ձմեռ պապը բաժանեց 1-ին դասարանցիների ամանորյա նվերները:

Դպրոցի 1-ին դասրանների թվով 92 աշակերտների համար ամանորյա նվերներն ուղարկել էր 1-ին «Ա» դասարանի ծնող, դպրոցի բարեկամ Արման Լալաբեկյանը:

Դպրոցի տնօրեն Դավիթ Կոստանդյանը, ամբողջ մանկավարժական կոլեկտիվն ու 1-ին դասարանցիների ծնողներն իրենց շնորհակալությունն են հայտնում դպրոցի բարեկամ Արման Լալաբեկյանին, ամանորյա միջոցառումը երեխաների համար տոն դարձնելու, նրանց ուրախացնելու համար: 

Միջոցառման ավարտին առաջինների ծնողների անունից դպրոցի տնօրինությանն ու Արման Լալաբեկյանին ուղղված շնորհակալական խոսքով հանդես եկավ 1-ին «Բ» դասարանի ծնող Արշալույս Երիցյանը: