Գորիսի Յուրի Բախշյանի անվան թիվ 3 հիմնական դպրոցի 3-րդ «Գ» դասարանի աշակերտները, դասվար Կարինե Մալխասյանի առաջնորդությամբ, ճանաչողական այց կատարեցին Գորիս գյուղի Սուրբ Հռիփսիմե եկեղեցի։ Այցը նպատակ ուներ ոչ միայն խորացնել աշակերտների գիտելիքները հայկական հոգևոր ժառանգության մասին, այլև ձևավորել սեր հայրենիքի և հավատքի նկատմամբ։ Առավոտյան դպրոցից ոտքով ճանապարհ ընկնելով՝ աշակերտները ծնողների և դասվարի ուղեկցությամբ քայլեցին դեպի Գորիս գյուղ։ Չնայած երկար ճանապարհին, երեխաներն ուրախ տրամադրությամբ ու հետաքրքրությամբ հաղթահարեցին ողջ ուղին։ Եկեղեցում նրանք միասին մոմ վառեցին, բարձրաձայն ընթերցեցին Տերունական աղոթքը՝ արտահայտելով իրենց հավատը և մաղթանքները։ Աղոթքի խոսքերը միասնաբար հնչեցին՝ ուղղված աշխարհի խաղաղությանը, իսկ ընտանիքի անդամներին՝ առողջությանը։ Այցը շարունակվեց եկեղեցու հարևանությամբ գտնվող կանաչապատ բացատում, որտեղ երեխաները մասնակցեցին զանազան խաղերի, վայելեցին մաքուր օդը և համընդհանուր ուրախ տրամադրությունը։ Օրը վերածվեց ոչ միայն հոգևոր, այլև կրթական ու զվարճալի փորձառության՝ խորացնելով աշակերտների կապը ազգային արժեքների և միմյանց հետ։
| |
|
| |
| Դիտումներ: 146 | |
| Մեկնաբանություններն ընդամենը՝: 0 | |