Հոկտեմբերի 28-ին Կապանի «InՍպորտ» սպորտային համալիրում կայացավ «ՀՀ վարչապետի գավաթ» լողի մրցաշարի մարզային փուլը, որը Սյունիքի մարզում անցկացվեց առաջին անգամ։ Նոր նախաձեռնությունը հնարավորություն տվեց մարզի դպրոցականներին իրենց ուժերը չափելու լողի մարզաձևում, իսկ Գորիսն իր պատվավոր մասնակցությունն ունեցավ Յուրի Բախշյանի անվան թիվ 3 հիմնական դպրոցի շնորհիվ։ Դպրոցի թիմը՝ կազմված տարբեր տարիքային խմբերի աշակերտներից, մեծ պատրաստակամությամբ ու ոգևորությամբ ներկայացավ մրցաշարին։ Երեխաները մարզահրապարակ դուրս եկան պայքարելու ոչ միայն անձնական արդյունքների, այլև իրենց դպրոցի և քաղաքի պատվի համար։ Թեև սա նրանց առաջին փորձն էր նման մասշտաբի մրցումներում, սակայն Բախշյանական լողորդները ցուցաբերեցին վճռականություն, համառություն և կարգապահություն՝ արժանանալով մարզիչների, կազմակերպիչների և հանդիսատեսի ջերմ արձագանքին։ Նրանց ներկայությունը մրցաշարում դարձավ այն ուղերձը, որ Գորիսը պատրաստ է նոր մարզաձևերում իր խոսքն ասելու։ Աշակերտները մեծ խանդավառությամբ էին պատրաստվում՝ գիտակցելով, որ ներկայացնում են Գորիսը։ Սա նրանց համար ոչ միայն սպորտային փորձառություն էր, այլև ինքնավստահություն ձեռք բերելու և թիմային ոգին զգալու հնարավորություն։ Մրցաշարն անցկացվեց երկու տարիքային խմբերում՝
Բախշյանականները, չնայած մրցանակային տեղեր չգրավեցին, սակայն ապացուցեցին, որ ունեն առաջընթացի մեծ ներուժ և ցանկություն՝ շարունակելու մարզվել ու կատարելագործվել։ Դպրոցի տնօրենությունը և ուսուցչական կազմը կարևորում են նման նախաձեռնությունները՝ վստահ լինելով, որ նման փորձառությունները խթանում են աշակերտների ակտիվությունն ու առողջ ապրելակերպի ձևավորումը։ Լողի մրցաշարի հիմնական նպատակն է
Այս մրցաշարը Գորիսի Յուրի Բախշյանի անվան թիվ 3 հիմնական դպրոցի աշակերտների համար դարձավ ոչ միայն սպորտային փորձարկում, այլև վստահ սկիզբ՝ նոր հաջողությունների ճանապարհին։ Դպրոցը պատրաստվում է շարունակել մասնակցությունը մարզային և հանրապետական նախաձեռնություններին՝ նպատակ ունենալով ամրապնդել Գորիսի դիրքը նաև լողի մարզաձևում։
| |
|
| |
| Դիտումներ: 131 | |
| Մեկնաբանություններն ընդամենը՝: 0 | |