Գորիսի Յուրի Բախշյանի անվան թիվ 3 հիմնական դպրոցի 1-ին «Գ» դասարանի սովորողները դասվար Արմինե Հարությունյանի և ծնողների ուղեկցությամբ այցելել են Գորիսի մանկական գրադարան։ Այցի նպատակն էր փոքրիկների մոտ ձևավորել ընթերցանության նկատմամբ հետաքրքրություն, ծանոթացնել գրադարանի գործունեությանը և գրքի աշխարհին։ Գրադարանի աշխատակիցները երեխաներին ներկայացրել են գրադարանի բաժինները, պատմել գրքերի պահպանման կանոնների մասին, ինչպես նաև կազմակերպել հետաքրքիր և ուսուցողական զրույց գրքի կարևորության շուրջ։ Առաջին դասարանցիները մեծ ոգևորությամբ շրջել են գրադարանում, ծանոթացել մանկական գրականությանը, թերթել իրենց հետաքրքրող գրքերը և լսել հեքիաթների ընթերցում։ Այցը վերածվել է ճանաչողական և ջերմ հանդիպման, որի ընթացքում երեխաները հնարավորություն են ունեցել բացահայտելու գրքի կախարդական աշխարհը։ Նման նախաձեռնությունները կարևոր դեր ունեն սովորողների ընթերցասիրության ձևավորման, լեզվական կարողությունների զարգացման և մշակութային արժեքների հանդեպ հարգանքի դաստիարակման գործում։
| |
|
| |
| Դիտումներ: 98 | |
| Մեկնաբանություններն ընդամենը՝: 0 | |