Ապրիլի 23-ին Ռուսական կենտրոնը Կապանում կազմակերպել էր մասնագիտական հանդիպում Սյունիքի մարզի «Ռուսաց լեզու» առարկայի ուսուցիչների հետ։ Միջոցառմանը մասնակցում էին նաև Գորիսի Յուրի Բախշյանի անվան թիվ 3 հիմնական դպրոցի ուսուցչուհիներ Շահանե Գյուրջյանը, Մարգարիտա Պետրոսյանը և Մարիամ Հայրապետյանը։ Հանդիպումը կազմակերպվել էր մի քանի փուլով։ Ուսուցիչները ներգրավված էին հոգեբանական հարցումներում՝ կեյսերի ձևաչափով, որտեղ նրանք հնարավորություն ունեցան ներկայացնելու սեփական փորձը, ինչպես նաև քննարկելու կրթական մարտահրավերները և հաջողված լուծումները։ Հանդիպմանը ներկա էր նաև Ռուսաստանի արտաքին գործերի նախարարության շարքային խմբի ղեկավար Սերգեյ Չիշիխինը։ Նա պատասխանեց ուսուցիչների հարցերին, քննարկեց երկկողմ համագործակցության հեռանկարները և կարևորեց համագործակցային կապերի խորացումը։ Հանդիպման հիմնական նպատակն էր ստեղծել գործընկերային հարթակ ռուսաց լեզվի ուսուցիչների միջև՝ նպաստելով ինչպես նրանց մասնագիտական զարգացմանը, այնպես էլ կրթական միջավայրում սովորողների մտավոր, զգայական, ինքնուրույն և սոցիալական հմտությունների ձևավորմանը։ Նշենք, որ Շահանե Գյուրջյանը Գորիսի ռուսական կենտրոնի ներկայացուցիչն է:
| |
|
| |
| Դիտումներ: 187 | |
| Մեկնաբանություններն ընդամենը՝: 0 | |