Մայիսի 30-ին Գորիսի պետական համալսարանի մաթեմատիկայի և ֆիզիկայի ամբիոնի նախաձեռնությամբ տեղի ունեցավ սեմինար-քննարկում՝ «Հավանականությունների տեսության և մաթեմատիկական վիճակագրության տարրերը դպրոցում. կրթական բարեփոխումների ազդեցությունը և կիրառական մոտեցումներ» թեմայով, որին մասնակցել է նաև Գորիսի Յուրի Բախշյանի անվան թիվ 3 հիմնական դպրոցի «Մաթեմատիկա» առարկայի ուսուցչուհի Ալլա Առստամյանը։ Սեմինարի ընթացքում բանախոսները ներկայացրին կրթական նոր չափորոշիչներով հավանականությունների տեսության և մաթեմատիկական վիճակագրության հետ կապված փոփոխությունները, կատարեցին գործող դասագրքերում ընդգրկված թեմաների խորքային վերլուծություն, գործնական առաջադրանքներ և ծավալեցին ակտիվ քննարկում: Սեմինար-քննարկմանը մասնակցեցին մաթեմատիկայի ուսուցիչներ, ուսանողներ և աշակերտներ: Սեմինար-քննարկումը վարեցին Խաչատուր Աբովյանի անվան հայկական պետական մանկավարժական համալսարանի մաթեմատիկայի և նրա դասավանդման ամբիոնի դոցենտ, ֆ.մ.գ.թ. Վարազդատ Վարդազարյանը և ԳՊՀ մաթեմատիկայի և ֆիզիկայի ամբիոնի վարիչի ժ/պ., ֆ.մ.գ.թ., դոցենտ Անուշ Դավթյանը:
| |
|
| |
| Դիտումներ: 112 | |
| Մեկնաբանություններն ընդամենը՝: 0 | |