Գորիսի Յուրի Բախշյանի անվան թիվ 3 հիմնական դպրոցում մեկնարկել և հաջողությամբ ավարտվել են աշակերտական խորհրդի նախագահի ընտրությունները։

Մեկ շաբաթ շարունակ դպրոցում տիրում էր նախընտրական աշխույժ մթնոլորտ․ թեկնածուները ներկայացնում էին իրենց ծրագրերն ու գաղափարները՝ ուղղված աշակերտական կյանքի հարստացմանը, միջավայրի բարելավմանը և դպրոցական նախաձեռնությունների խթանմանը։ Քարոզարշավի ընթացքում աշակերտները հնարավորություն ունեցան ոչ միայն ծանոթանալու թեկնածուների տեսլականներին, այլև ակտիվորեն արտահայտելու իրենց կարծիքներն ու առաջարկները։

Աշակերտական խորհրդի նախագահի պաշտոնի համար առաջադրվել էին՝

• 8-րդ «Ա» դասարանի աշակերտ Եվա Հայրապետյանը,
• 8-րդ «Գ» դասարանի աշակերտ Միլենա Մելքումյանը,
• 9-րդ «Բ» դասարանի աշակերտ Հասմիկ Հակոբյանը,
• 9-րդ «Գ» դասարանի աշակերտ Մարիա Լալայանը։

Ընտրությունները կայացան բարձր հետաքրքրությամբ և աշակերտների ակտիվ մասնակցությամբ։ Ձայների ճնշող մեծամասնությամբ աշակերտական խորհրդի նոր նախագահ ընտրվեց 8-րդ «Գ» դասարանի աշակերտ Միլենա Մելքումյանը։

Ձայների պատկերը հետևյալն է․

• Եվա Հայրապետյան՝ 12 ձայն,
• Միլենա Մելքումյան՝ 109 ձայն,
• Հասմիկ Հակոբյան՝ 87 ձայն,
• Մարիա Լալայան՝ 40 ձայն,
• Անվավեր՝ 21 քվեաթերթիկ,
• Չի մասնակցել՝ 21 աշակերտ։

Դպրոցի տնօրինությունը շնորհավորում է Միլենա Մելքումյանին վստահության մեծ քվե ստանալու և խորհրդի նախագահ ընտրվելու կապակցությամբ՝ մաղթելով արդյունավետ գործունեություն, հաջողություններ և նոր ձեռքբերումներ դպրոցական կյանքում։