Նոյեմբերի 7-ին Գորիսի Յուրի Բախշյանի անվան թիվ 3 հիմնական դպրոցի տնօրենի պաշտոնակատար Սերգեյ Ավանեսյանի նախաձեռնությամբ կայացավ հանդիպում դպրոցի տնօրենի տեղակալ Արաքսյա Առստամյանի, դասվարների և դասղեկների մասնակցությամբ։ Հանդիպման նպատակն էր զարգացնել մանկավարժների մեդիագրագիտությունը, քննադատական մտածողությունը և բարձրացնել անհատական տվյալների պաշտպանության գիտակցությունը։ Քննարկումների ընթացքում անդրադարձ կատարվեց՝
Սերգեյ Ավանեսյանը ներկայացրեց իրական օրինակներ և կոնկրետ դեպքեր, որոնք օգնում են հասկանալ թվային միջավայրի հնարավոր վտանգները և դրանցից խուսափելու արդյունավետ ուղիները։ Հանդիպումն ընթացավ ակտիվ քննարկումների մթնոլորտում․ մանկավարժները բարձրացրին իրենց հարցերը, առաջարկեցին գաղափարներ և կիսվեցին անձնական փորձառությունով։ Արդյունքում ձևավորվեց ընդհանուր պատկերացում՝ ինչպես լինել պատասխանատու, տեղեկացված և ապահով ինտերնետ-օգտատեր։ Քննարկման ընթացքում անդրադարձ կատարվեց անձնական տվյալների պաշտպանության ոլորտում արհեստական բանականության կիրառությանն ու դրա հետ կապված մարտահրավերներին։ Նշվեց, որ ԱԲ լուծումները լայնորեն կիրառվում են տվյալների մշակման և որոշումների ընդունման գործընթացներում, ինչը պահանջում է ապահովել տվյալների գաղտնիությունն ու անվտանգությունը։ Առանձնահատուկ ուշադրություն դարձվեց ԱԲ կիրառությանը կրթության ոլորտում՝ շեշտելով դրա դերը ուսուցման անհատականացման և արդյունավետության բարձրացման գործում։ Միաժամանակ ընդգծվեց պատասխանատու և կանոնակարգված կիրառման անհրաժեշտությունը։ Քննարկվեց նաև արհեստական բանականությամբ կեղծ նկարների, ձայնային և տեսանյութերի («deepfake») ստեղծման խնդիրը՝ որպես տեղեկատվական անվտանգության և հանրային վստահության համար լուրջ ռիսկ։ Կարևորվեց մեդիագրագիտության զարգացումն ու կանխարգելիչ մեխանիզմների ներդրումը։ Այս նախաձեռնությունը ևս մեկ անգամ ընդգծեց Գորիսի Յուրի Բախշյանի անվան թիվ 3 հիմնական դպրոցի մոտեցումը՝ լինել անվտանգ, ստեղծարար և զարգացող կրթական միջավայր, որտեղ յուրաքանչյուր աշխատակից գիտակցում է իր պատասխանատվությունը թվային աշխարհում։
| |
|
| |
| Դիտումներ: 302 | |
| Մեկնաբանություններն ընդամենը՝: 0 | |